മലയാള സിനിമയില്‍ നടനും തിരകഥാകൃത്തായും ശ്രദ്ധേനായ അനൂപ് മേനോന്‍ സംവിധായക കുപ്പായം അണിയുന്നു. കിങ് ഫിഷ് എന്ന സിനിമയാണ് അനൂപ് മേനോന്‍ സംവിധാനം ചെയ്യുക. അനൂപ് മേനോന്‍ തന്നെയാണ് ഇക്കാര്യം സാമൂഹ്യ മാധ്യങ്ങളിലൂടെ പങ്കുവെച്ചത്. കിങ് ഫിഷിന്റെ തിരക്കഥയെഴുതുന്നതും അനൂപ് മേനോന്‍ തന്നെയാണ്.
ചിത്രം വികെപി സംവിധാനം ചെയ്യുമെന്നായിരുന്നു നേരത്തെ അറിയിച്ചിരുന്നത്. എന്നാല്‍ മറ്റൊരു സിനിമയുടെ തിരക്കിലായതിനാല്‍ അനൂപ് മേനോന്‍ ഏറ്റെടുക്കുകയായിരുന്നു.
അനൂപ് മേനോനും രഞ്ജിത്തും ആണ് പ്രധാന കഥാപാത്രങ്ങളെ അവതരിപ്പിക്കുന്നത്. ദുര്‍ഗ കൃഷ്ണയാണ് ചിത്രത്തിലെ നായിക. രതീഷ് വേഗ സംഗീത സംവിധാനം നിര്‍വ്വഹിക്കുന്ന ചിത്രത്തിന്റെ ഛായാഗ്രാഹണം മഹാദേവന്‍ തമ്പിയാണ്.