തിരുവനന്തപുരം: മലയാള സിനിമാനടൻ സിദ്ദിഖിനെതിരെ പീഡനക്കേസില് തെളിവുണ്ടെന്ന് പൊലീസ്. പ്രത്യേക അന്വേഷണ സംഘമാണ് കുറ്റപത്രം തയ്യാറാക്കിയത്.ഉടന് കുറ്റപത്രം കോടതിയില് സമര്പ്പിക്കും.
സിനിമയിൽ അവസരം വാഗ്ദാനം ചെയ്ത് യുവതിയെ ഹോട്ടലില് വിളിച്ചു വരുത്തി പീഡിപ്പിച്ചെന്ന കേസില് ദൃശ്യങ്ങളും സാക്ഷിമൊഴികളും ഉണ്ടെന്ന് പൊലീസ് പറയുന്നു. നടിയെ 2016 ജനുവരി 28ന് തിരുവനന്തപുരം മസ്കറ്റ് ഹോട്ടലില് വെച്ചാണ് പീഡിപ്പിച്ചത്.
നടി ഹോട്ടലില് എത്തിയ ദൃശ്യങ്ങളും സാക്ഷിമൊഴികളും ഉണ്ടെന്നും പീഡിപ്പിക്കപ്പെട്ട ശേഷം യുവതി എറണാകുളത്ത് ചികിത്സ തേടിയതിനും തെളിവ് ലഭിച്ചുവെന്നും പോലീസ് വ്യക്തമാക്കി.
ഹേമ കമ്മിറ്റി റിപ്പോര്ട്ട് പുറത്ത് വരുന്നതിന് മുമ്പ് തന്നെ നടി പീഡന വിവരം പറഞ്ഞതിന് തെളിവുകള് ഉണ്ടെന്ന് കുറ്റപത്രത്തില് പറയുന്നു.
Discussion about this post