ഹൊറര്‍ സിനിമകളിലൂടെ പേര് എടുത്ത ബിഗ് സ്‌ക്രീന്‍, ടെലിവിഷന്‍ ഇതിഹാസം നടന്‍ ടോണി ടോഡ് (69) അന്തരിച്ചു. നവംബര്‍ 6 നാണ് ലോസ് ഏഞ്ചല്‍സിലെ വസതിയില്‍ വച്ച് ടോഡ് അന്തരിച്ചത്. കുടുംബം ഇറക്കിയ വാര്‍ത്ത കുറിപ്പിലാണ് നടന്റെ മരണം സ്ഥിരീകരിച്ചത്.
1992 ല്‍ ഇറങ്ങിയ കാന്‍ഡിമാന്‍ എന്ന ചിത്രത്തിലെ കൊലയാളിയുടെ വേഷമാണ് ടോഡ് അവതരിപ്പിച്ചതില്‍ ഏറെ പ്രശസ്തമാണ്. കൂടാതെ 2021 ല്‍ ഇതിന്റെ രണ്ടാം ഭാഗത്തിലും ഇദ്ദേഹം അഭിനയിച്ചിരുന്നു. ഫൈനല്‍ ഡെസ്റ്റിനേഷനിലെ വേഷവും, ഒലിവര്‍ സ്റ്റോണ്‍ സംവിധാനം ചെയ്ത് 1986 ല്‍ പുറത്തിറങ്ങി പ്ലാറ്റൂണിലെ വേഷവും ഏറെ ശ്രദ്ധേയമാണ്.
നാല് പതിറ്റാണ്ടോളം നീണ്ട അഭിനയ ജീവിതത്തില്‍ ടോണി ടോഡ് 250 ഓളം ചലച്ചിത്രങ്ങളില്‍ പ്രത്യക്ഷപ്പെട്ടു. ടിവി പരമ്പരകളിലും ഇദ്ദേഹം സജീവമായിരുന്നു.
Discussion about this post