കൊച്ചി: സംവിധായകന് രഞ്ജിത്തിനെതിരെ ബംഗാളി നടി ശ്രീലേഖ മിത്ര നല്കിയ പരാതിയില് കേസെടുത്ത് പോലീസ്. നടിയുടെ പരാതി ലഭിച്ചെന്നും, പരാതി നോര്ത്ത് പോലീസിന് കൈമാറിയെന്നും 354 ഐപിസി പ്രകാരം എഫ്ഐആര് രജിസ്റ്റര് ചെയ്തെന്നും കൊച്ചി സിറ്റി പോലീസ് കമ്മീഷണര് ശ്യാം സുന്ദര് വ്യക്തമാക്കി.
കേസിലെ തുടര്നടപടികള് പ്രത്യേക അന്വേഷണ സംഘത്തിന്റെ നിര്ദേശപ്രകാരം എടുക്കുമെന്നും കമ്മീഷ്ണര് പറഞ്ഞു. ലൈംഗിക ഉദ്ദേശ്യത്തോടെ ശരീരത്തില് സ്പര്ശിച്ചെന്നാണ് ശ്രീലേഖ കൊച്ചി പോലീസ് കമ്മീഷണര്ക്ക് നല്കിയ പരാതിയില് പറയുന്നത്.
അതിക്രമം നടന്നത് കൊച്ചി കടവന്ത്രയിലെ ഫ്ലാറ്റില് വെച്ചാണെന്നും പരാതിയില് പറയുന്നുണ്ട്. സ്ത്രീത്വത്തെ അപമാനിച്ചുവെന്നും ക്രിമിനല് നിയമനടപടി സ്വീകരിക്കണമെന്നും ശ്രീലേഖ മിത്ര അയച്ച ഇമെയില് പരാതിയിലുണ്ട്. രഞ്ജിത്ത് നിയമനടപടി സ്വീകരിക്കുമെന്ന് പറഞ്ഞതിന് പിന്നാലെയാണ് ശ്രീലേഖ പരാതി നല്കിയിരിക്കുന്നത്. കേസെടുക്കാന് പരാതി വേണമെന്നാണ് സര്ക്കാര് നിലപാടെന്ന് അറിഞ്ഞു. അതുകൊണ്ടാണ് രേഖാമൂലം ഇപ്പോള് പരാതി നല്കുന്നതെന്നും ശ്രീലേഖ മിത്ര പറഞ്ഞു.
Discussion about this post