ഇത്തവണ ബിഗ് ബജറ്റ് ചിത്രവുമായിട്ടാണ് ചാക്കോച്ചന്റെ വരവ്. ‘ചെന്നൈയില്‍ ഒരു നാള്‍’ എന്ന ചിത്രവുമായാണ് ചാക്കോച്ചന്‍ എത്തുന്നത്. സ്‌പോര്‍ട്‌സ് പശ്ചാത്തലത്തിലാണ് ചിത്രം ഒരുക്കുന്നത്. കുഞ്ചാക്കോ ബോബന്‍ കായിക താരമായി വേഷമിടുന്ന ചിത്രം കൂടിയാണിത്.
ചിത്രത്തില്‍ നായികയായി എത്തുന്നത് നിത്യ മേനോന്‍ ആണ്. ‘പോപ്പിന്‍സ്’
എന്ന ചിത്രത്തിന് ശേഷം ഇരുവരും ഒന്നിക്കുന്ന ചിത്രമാണിത്. ചിത്രത്തില്‍ കുഞ്ചാക്കോ ബോബന്റെ ഭാര്യയായിട്ടാണ് നിത്യ മേനോന്‍ എത്തുന്നത്. പ്രാണയാണ് നിത്യയുടെ റിലീസ് കാത്തിരിക്കുന്ന ചിത്രം.
സംവിധായകന്‍ രാജേഷ് പിള്ളയുടെ അസിസ്റ്റന്റായിരുന്ന ഷഹീദ് ഖാദറാണ് ചിത്രം എഴുതി സംവിധാനം ചെയ്യുന്നത്. ഇഫോര്‍ എന്റര്‍ടെയിന്‍മെന്റ്‌സിന്റെ ബാനറില്‍ നിര്‍മ്മിക്കുന്ന ചിത്രത്തിന്റെ ചിത്രീകരണം മാര്‍ച്ചോടെ ആരംഭിക്കും.