കരിക്ക് വെബ് സീരീസിലൂടെ പ്രേക്ഷകർക്ക് സുപരിചിതയായ നടി സ്നേഹ ബാബു വിവാഹിതയായി. വരനും ‘കരിക്ക്’ ‘ടീം അംഗവുമായ അഖിൽ സേവ്യറാണ് വരൻ. കരിക്കിന്റെ സാമർത്ഥ്യശാസ്ത്രം സീരീസിന്റെ ഛായാഗ്രാഹകനാണ് അഖിൽ സേവ്യർ. സ്നേഹയും ഈ സീരീസിൽ അഭിനയിച്ചിരുന്നു. സാമർത്ഥ്യശാസ്ത്രത്തിന്റെ സെറ്റിൽവെച്ച് തുടങ്ങിയ സൗഹൃദം പ്രണയമാവുകയും വിവാഹത്തിലെത്തുകയുമായിരുന്നു എന്ന് ഇരുവരും തുറന്നു പറഞ്ഞിരുന്നു.
അതേസമയം, വിവാഹത്തിന് പ്രേക്ഷകരുടെ പ്രിയപ്പെട്ട ‘കരിക്ക്’ താരങ്ങളെല്ലാം തന്നെ ആശംസകൾ പങ്കിട്ട് എത്തി. വിവാഹത്തിൽ അർജുൻ രത്തൻ, ശബരീഷ്, കിരൺ വിയത്ത്, ശ്രുതി സുരേഷ്, വിദ്യ വിജയകുമാർ, അനഘ മരിയ വർഗ്ഗീസ്, നീലിൻ സാൻഡ്ര എന്നിവർ പങ്കെടുത്തു.
സ്നേഹയുടേയും അഖിലിന്റെയും വിവാഹ ഫോട്ടോകൾ സോഷ്യൽ മീഡിയയിൽ വൈറലാണ്. സ്നേഹ ഗാനഗന്ധർവൻ, ആദ്യരാത്രി, മിന്നൽ മുരളി എന്നീ ചിത്രങ്ങളിൽ ശ്രദ്ധേമായ വേഷങ്ങളിലെത്തിയിരുന്നു.
ബാബു, ഗ്രേസി ദമ്പതികളുടെ മകളാണ് സ്നേഹ. ഇന്റീരിയർ ഡിസൈനിങ് പഠിച്ചുകൊണ്ടിരുന്ന സ്നേഹ ടിക്ടോക്കിൽ സജീവമായിരുന്നു. പിന്നെയാണ് കരിക്കിലേക്കും സിനിമകളിലേക്കും എത്തിയത്.
Discussion about this post