മലയാളത്തെയും തമിഴകത്തെയും ഒരുപോലെ ഞെട്ടിച്ച സൂര്യയും മോഹന്‍ലാലും ഒന്നിച്ചെത്തുന്ന ചിത്രം അണിയറയില്‍ ഒരുങ്ങുന്നു. ഇരുവരും പ്രധാന വേഷങ്ങളില്‍ എത്തുന്നത് തമിഴ് ചിത്രമായ കാപ്പാനിലൂടെയാണ്. കെ.വി. ആനന്ദ് ആണ് ചിത്രത്തിന്റെ സംവിധാനം നിര്‍വഹിക്കുന്നത്.
മോഹന്‍ലാല്‍ നായകനായ സൂപ്പര്‍ ഹിറ്റ് ചിത്രം തേന്മാവിന്‍ കൊമ്പത്തിന്റെ ഛായാഗ്രഹകനാണ് കെ.വി. ആനന്ദ്. ആ ചിത്രത്തിലൂടെ ദേശീയ അവാര്‍ഡും അദ്ദേഹം കരസ്ഥമാക്കിയിട്ടുണ്ട്. കൊ, അയന്‍ തുടങ്ങിയ സൂപ്പര്‍ഹിറ്റ് ചിത്രങ്ങളും അദ്ദേഹം സംവിധാനം ചെയ്തതാണ്. ബോമന്‍ ഇറാനിയും ആര്യയും സമുദ്രക്കനിയും സയേഷയാണ് മറ്റു പ്രധാന വേഷങ്ങളിലെത്തുന്നു. സയേഷയാണ് നായിക.ഹാരിസ് ജയരാജാണ് ചിത്രത്തിന് സംഗീതം കൊടുക്കുന്നത്.
ചിത്രത്തിലെ മോഹന്‍ലാലിന്റെ ലുക്ക് സോഷ്യല്‍ മീഡിയയില്‍ വൈറലാവുകയാണ്.
രാഷ്ട്രീയക്കാരന്റെ വേഷം തന്നെയാണ് മോഹന്‍ലാലിനെന്നാണ് പുറത്തുവന്ന ചിത്രങ്ങള്‍ നല്‍കുന്ന സൂചന. ചിത്രത്തില്‍ ജില്ലക്ക് ശേഷമുള്ള മോഹന്‍ലാലിന്റെ തമിഴ് സിനിമയാണ് കാപ്പാന്‍.