ചെന്നൈ: കഴിഞ്ഞ ദിവസമാണ് നടന്‍ വിശാല്‍ ഒരു പെണ്‍കുട്ടിയുടെ കൂടെ നടന്ന നീങ്ങുന്ന വീഡിയോ കഴിഞ്ഞ ദിവസങ്ങളില്‍ സോഷ്യല്‍ മീഡിയയില്‍ വൈറലായത്. ന്യൂയോര്‍ക്ക് നഗരത്തില്‍ കാമുകിയ്‌ക്കൊപ്പം കറങ്ങുന്ന നടന്‍ എന്നു പറഞ്ഞാണ് വിശാലിന്റെ വീഡിയോ പ്രചരിച്ചത്. ഇപ്പോഴിതാ ആ വീഡിയോയുടെ വിശദീകരണവുമായി എത്തിയിരിക്കുകയാണ് വിശാല്‍.
തന്റെ ബന്ധുക്കള്‍ ഒപ്പിച്ച പ്രാങ്ക് വീഡിയോ ആണെന്നും ഇതൊന്നും കാര്യമായി എടുക്കരുതെന്നും വിശാല്‍ പറയുന്നു. ന്യൂയോര്‍ക്ക് നഗരത്തില്‍ വച്ചാണ് തങ്ങളെ കണ്ടതെന്ന വാര്‍ത്ത മാത്രമാണ് ശരിയുള്ളതെന്നും ബാക്കിയുള്ളതെല്ലാം പ്രേക്ഷകരുടെ ഡിറ്റക്ടീവ് ബുദ്ധിയില്‍ ഉരുത്തിരിഞ്ഞ ഊഹാപോഹങ്ങള്‍ മാത്രമാണെന്നും നടന്‍ എക്സില്‍ എഴുതി.
‘ക്ഷമിക്കണം സുഹൃത്തുക്കളേ, ഇക്കഴിഞ്ഞ ദിവസം പ്രചരിച്ച വീഡിയോയെക്കുറിച്ചുള്ള സത്യം വെളിപ്പെടുത്താന്‍ സമയമായി എന്ന് ഞാന്‍ കരുതുന്നു. വീഡിയോയുടെ ലൊക്കേഷന്റെ കാര്യത്തില്‍ നിങ്ങള്‍ കരുതിയത് സത്യമാണ്, അതെ ഞാന്‍ ന്യൂയോര്‍ക്കിലാണ് ഉള്ളത്. ഇത് എന്റെ കസിന്‍സുമായുള്ള പതിവ് അവധികേന്ദ്രമാണ്. ഒരു വര്‍ഷത്തെ തിരക്കുകള്‍ക്ക് ശേഷം എല്ലാ വര്‍ഷവും എന്നെത്തന്നെ പുനരുജ്ജീവിപ്പിക്കുന്നതിന് വേണ്ടി ഇവിടെ എത്താറുണ്ട്. പക്ഷേ വീഡിയോയുടെ പേരില്‍ പ്രചരിച്ച മറ്റുകാര്യങ്ങള്‍ യഥാര്‍ഥത്തില്‍ ക്രിസ്മസ് ദിനത്തില്‍ എന്റെ കസിന്‍സ് ഒപ്പിച്ച തമാശയാണ്.
Sorry guys, I guess it's time to reveal the truth about the recent video. Well well well, it's half true in terms of location, yes I am in New York which is my regular retreat place with my cousins, which is a ritual of destressing myself every year after a super chaotic rest of…
— Vishal (@VishalKOfficial) December 27, 2023
എന്തായാലും എന്റെ കസിന്‍സ് സംവിധാനം ചെയ്ത പ്രാങ്ക് വീഡിയോ ലക്ഷ്യം കണ്ടു എന്നാണ് ഞാന്‍ മനസ്സിലാക്കുന്നത്. എന്റെ ബാല്യത്തിലേക്ക് മടങ്ങിപ്പോയി, കുട്ടിത്തമുള്ള കാര്യങ്ങള്‍ ചെയ്യാന്‍ ഞാന്‍ എല്ലായ്‌പ്പോഴും ശ്രമിക്കാറുണ്ട്, അതൊരു നല്ല ഫീലിങ്ങാണ്. നിങ്ങള്‍ പറ്റിക്കപ്പെട്ടതില്‍ ക്ഷമ ചോദിക്കുന്നു. ഇതോടുകൂടി ആ വീഡിയോയെക്കുറിച്ച് നിങ്ങളുടെ ഡിറ്റക്റ്റീവ് ബുദ്ധിയില്‍ കണ്ടെത്തിയ എല്ലാ ഊഹാപോഹങ്ങള്‍ക്കു വിരാമമിടണമെന്ന് അഭ്യര്‍ഥിക്കുകയാണ്. ചില കമന്റുകള്‍ എന്നെ തീര്‍ച്ചയായും വേദനിപ്പിച്ചു. എന്നാലും ആരോടും പിണക്കമൊന്നുമില്ല. ഞാന്‍ എല്ലാവരെയും സ്നേഹിക്കുന്നു.”-വിശാല്‍ കുറിച്ചു.
Discussion about this post