മുംബൈ: വിവാദമായ നിരവധി പരാമർശങ്ങൾ നടത്തിയ നടനും ചലച്ചിത്ര സംവിധായകനുമായ കമാൽ ആർ ഖാൻ എന്ന കെആർകെയെ മുംബൈയിൽ പോലീസ് അറസ്റ്റ് ചെയ്തു. ദുബായിലേക്ക് പോകാൻ മുംബൈ വിമാനത്താവളത്തിൽ എത്തിയ സമയത്തായിരുന്നു അറസ്റ്റ്.
2016-ലെ കേസുമായി ബന്ധപ്പെട്ടാണ് അറസ്റ്റെന്നാണ് വിവരം. താൻ അറസ്റ്റിലായ വിവരം കെആർകെ തന്നെയാണ് എക്‌സിൽ പോസ്റ്റ് ചെയ്ത കുറിപ്പിലൂടെ അറിയിച്ചത്. താൻ കഴിഞ്ഞ ഒരുവർഷമായി മുംബൈയിലാണ് ജീവിക്കുന്നതെന്നും കേസുകളുമായി ബന്ധപ്പെട്ട് കോടതിയിൽ ഹാജരാകുന്നതിൽ ഇതുവരെ വീഴ്ച വരുത്തിയിട്ടില്ലെന്നും അദ്ദേഹം കുറിച്ചു.
ഒരു പുതുവർഷാഘോഷത്തിൽ പങ്കെടുക്കാൻ ദുബായ്ക്ക് തിരിച്ചതായിരുന്നു ഞാൻ. പക്ഷേ മുംബൈ പോലീസ് എന്നെ വിമാനത്താവളത്തിൽവെച്ച് അറസ്റ്റ് ചെയ്തു. പോലീസ് പറഞ്ഞതനുസരിച്ച് 2016-ലെ കേസുമായി ബന്ധപ്പെട്ട് ഞാൻ അവരുടെ വാണ്ടഡ് ലിസ്റ്റിലുള്ളയാളാണ്. ടൈഗർ 3 എന്ന ചിത്രം പരാജയപ്പെടാൻ കാരണം ഞാനാണെന്നാണ് സൽമാൻ ഖാൻ പറയുന്നത്.
ALSO READ- പ്രണയവിവാഹം, പിന്നാലെ കുടുംബവഴക്ക്, ഭര്‍ത്താവിന്റെ വെട്ടേറ്റ യുവതി മരിച്ചു
ഏതെങ്കിലും സാഹചര്യത്തിൽ പോലീസ് സ്റ്റേഷനിലോ ജയിലിലോ വെച്ച് ഞാൻ മരിക്കുകയാണെങ്കിൽ അതൊരു കൊലപാതകമായിരിക്കുമെന്ന് എല്ലാവരും അറിഞ്ഞിരിക്കണം. ഇതിനെല്ലാം ആരാണ് ഉത്തരവാദിയെന്ന് എല്ലാവർക്കുമറിയാംമെന്നും കെആർകെ കുറിച്ചു.