രണ്ടു പേരുടേയും സിനിമയുടെ ഷൂട്ടിംഗ് ഒരേ രാജ്യത്ത്! ഭാവനയിൽ സെറ്റിൽ എത്തി സന്ദർശിച്ച് അജിത്ത്; വൈറലായി ദൃശ്യങ്ങൾ

തെന്നിന്ത്യയിലാകെ ആരാധകരുടെ തലയാണ് അജിത്ത് കുമാർ എന്ന നടൻ. അദ്ദേഹത്തിന്റെ താരജാഡകളില്ലാത്ത പെരുമാറ്റവും അഡ്വഞ്ചർ ക്രേയ്‌സ് എല്ലാം ആരാധകർക്ക് ഏറെ പ്രിയപ്പെട്ടതാണ്. ഇപ്പോഴിതാ അജിത്ത് കുമാർ നടി ഭാവനയുടെ ഷൂട്ടിംഗ് ലൊക്കേഷനിൽ എത്തിയതിന്റെ ദൃശ്യങ്ങളാണ് വൈറലാകുന്നത്.

മഗിഴ് തിരുമേനി സംവിധാനം ചെയ്യുന്ന വിടാ മുയർച്ചിയുടെ ഷൂട്ടിങ്ങുമായി ബന്ധപ്പെട്ട് അസർബൈജാനിലാണ് അജിത്ത്. ഈ ഷൂട്ടിംഗിനിടെയിൽ വീണുകിട്ടിയ ഇടവേളയിലാണ് തന്റെ പഴയ നായികയെ താരം സന്ദർശിച്ചത്.

മലയാളികളുടെ പ്രിയതാരം ഭാവന നായികയാവുന്ന പിങ്ക് നോട്ട് എന്ന കന്നഡ ചിത്രത്തിന്റെ ഷൂട്ടിങ്ങും അസർബൈജാനിലാണ് നടക്കുന്നത്. ഈ ചിത്രത്തിന്റെ ലൊക്കേഷനിലേക്കാണ് അജിത് എത്തിയത്. താരങ്ങൾ ഇരുവരും സൗഹൃദം പങ്കിടുന്ന വീഡിയോ ഇപ്പോൾ സോഷ്യൽ മീഡിയ ഏറ്റെടുത്തിരിക്കുകയാണ്.

2010ൽ പുറത്തിറങ്ങിയ അസൽ എന്ന ചിത്രത്തിൽ അജിത്തിന്റെ നായികയായിരുന്നു ഭാവന. അടുത്തിടെ അജിത്തിന്റെ തുണിവ് എന്ന ചിത്രത്തിന്റെ ലൊക്കേഷനിൽ ഭാവന സന്ദർശനം നടത്തിയിരുന്നു.

ALSO READ- നെയ്യാറ്റിൻകര ആശുപത്രിയിൽ ചികിത്സയ്ക്ക് എത്തിയ പെൺകുട്ടിയെ കടന്നുപിടിക്കാൻ ശ്രമം; 52കാരനെ ഓടിച്ചിട്ട് പിടികൂടി നാട്ടുകാർ

‘തുണിവ്’ ചിത്രത്തിന്റെ സെറ്റിലെത്തി അജിത് സാറിനെ കണ്ടു. ഒരുപാട് നേരം സംസാരിച്ചു. താനും മഞ്ജു ചേച്ചിയും അജിത് സാറും ഒരുമിച്ചാണ് ഭക്ഷണം കഴിച്ചത്. അന്നെടുത്ത ഫോട്ടോ അദ്ദേഹത്തിന്റെ പിറന്നാളിന് ഇൻസ്റ്റാഗ്രാമിൽ പോസ്റ്റ് ചെയ്തിരുന്നു. അസൽ ഇറങ്ങി ഇത്രയും വർഷങ്ങൾ കഴിഞ്ഞിട്ടും അദ്ദേഹം തന്നെ ഓർക്കുന്നു എന്നതിൽ അതിയായ സന്തോഷമുണ്ട്.’-എന്ന് ഭാവന അന്ന്ചിത്രം പങ്കിട്ട് പോസ്റ്റ് ചെയ്തിരുന്നു.