ലിയോ സിനിമയുമായി ബന്ധപ്പെട്ട് നടി തൃഷക്കെതിരെ നടത്തിയ മോശം പരാമര്‍ശത്തിന് പിന്നാലെ വീണ്ടും വിവാദത്തിലായി നടന്‍ മന്‍സൂര്‍ അലിഖാന്‍. താരം ദേശീയ ഗാനത്തെ അപമാനിച്ചു എന്നാണ് ആരോപണം.
തൃഷക്കെതിരെ നടത്തിയ മോശം പരാമര്‍ശത്തില്‍ മന്‍സൂര്‍ അലിഖാനെതിരെ പോലീസ് കേസെടുത്തിരുന്നു. ഈ വിഷയവുമായി ബന്ധപ്പെട്ട് പ്രതികരിക്കാന്‍ മന്‍സൂര്‍ അലി ഖാന്‍ ഒരു പത്രസമ്മേളനം വിളിച്ചിരുന്നു.
സമ്മേളനത്തിന് ശേഷം മുന്‍സൂര്‍ അലി ഖാന്‍ ദേശീയ ഗാനം ആലപിക്കുകയായിരുന്നു. എന്നാല്‍ ദേശീയ ഗാനം ആലപിക്കേണ്ടതിന്റെ ചിട്ടകളൊന്നും പാലിക്കാതെയായിരുന്നു താരത്തിന്റെ പാട്ട്.
ദേശീയഗാനം ആലപിക്കുന്നതിനിടെ മന്‍സൂര്‍ അലിഖാന്‍ കൈകൊണ്ട് മുടി ശരിയാക്കുന്നതും ആക്ഷന്‍ കാണിക്കുന്നതുമെല്ലാം വിഡിയോയിലുണ്ട്. ഇതിന് പിന്നാലെ താരത്തെ അവിടെയുണ്ടായിരുന്ന ചിലര്‍ ചോദ്യം ചെയ്തു.
നടന്‍ ദേശീയ ഗാനത്തെ അപമാനിച്ചു എന്നാണ് അവര്‍ ആരോപിച്ചു. ഇതിന് പിന്നാലെ നിങ്ങളെ ആരാണ് അയച്ചേക്കുന്നത് എന്ന് അറിയാമെന്നും നിങ്ങള്‍ക്ക് ഭ്രാന്താണ് എന്നുമായിരുന്നു മന്‍സൂര്‍ അലി ഖാന്റെ പ്രതികരണം.