സിനിമാ താരം കാളിദാസ് ജയറാമും മോഡലായ തരിണി കലിംഗരായരും വിവാഹിതരാകുന്നു. ഇരുവരുടേയും വിവാഹനിശ്ചയ ചിത്രങ്ങൾ സർപ്രൈസായി കാളിദാസ് സോഷ്യൽമീഡിയയിലൂടെ പങ്കുവെച്ചു.
ഇരുവരും നേരത്തെ തന്നെ പ്രണയത്തിലാണെന്ന് സ്ഥിരീകരിച്ചിരുന്നു. വിവാഹിതരാകാൻ പോകുന്നെന്ന് അടുത്തിടെ അഭിമുഖത്തിൽ കാളിദാസ് വെളിപ്പെടുത്തികയും ചെയ്തിരുന്നു, പിന്നാലെയാണ് വിവാഹനിശ്ചയ ചിത്രങ്ങൾ പങ്കിട്ടത്.
വിവാഹനിശ്ചയത്തെ സംബന്ധിച്ച് സൂചനകൾ ഒന്നും പുരത്തുവിടാതെയായിരുന്നു അപ്രതീക്ഷിതമായി ചിത്രങ്ങൾ പരസ്യപ്പെടുത്തിയത്. സോഷ്യൽമീഡിയയിൽ കാളിദാസ് പങ്കിട്ട ചിത്രത്തിന് ആശംസകളുമായി താരങ്ങളുൾപ്പടെ നിരവധിയാളുകളാണ് എത്തിയിരിക്കുന്നത്. കഴിഞ്ഞ ദിവസം നടന്ന ചടങ്ങിൽ നിന്നുള്ള ചിത്രങ്ങളും വീഡിയോയും ചുരുങ്ങിയ സമയം കൊണ്ട് വൈറലായിരുന്നു.
ALSO READ- അത്ഭുതമൊന്നും സംഭവിച്ചില്ല, പാകിസ്താൻ പുറത്ത്; സെമിയിലെ ഇന്ത്യയുടെ എതിരാളികളായി ന്യൂസിലാൻഡ്
ജയറാം, പാർവ്വതി, മാളവിക എന്നിവരും പുറത്തെത്തിയ ദൃശ്യങ്ങളിലുണ്ടായിരുന്നു. ഏറെ നാളുകളായി പ്രണയത്തിലായിരുന്നു കാളിദാസ് ജയറാമും തരിണിയും. ഇരുവരും ഒരുമിച്ചുള്ള അവധിയാഘോഷ ചിത്രങ്ങളും വൈറലായിരുന്നു.
കാളിദാസും കുടുംബവും പങ്കുവെച്ച ഓണാഘോഷ ചിത്രത്തിലും തരിണി ഉണ്ടായിരുന്നു. മോഡലും 2021-ലെ ലിവാ മിസ് ദിവാ റണ്ണറപ്പുമാണ് തമിഴ്‌നാട് സ്വദേശിനിയായ തരിണി കലിംഗരായർ.