ചെന്നൈ:യുപി മുഖ്യമന്ത്രി യോഗി ആദിത്യനാഥിനെ സന്ദര്ശിച്ച് തമിഴ് സൂപ്പര്താരം രജനികാന്ത്. യോഗിയുടെ ലഖ്നൌവിലെ വീട്ടിലെത്തിയാണ് രജനികാന്ത് അദ്ദേഹത്തെ കണ്ടത്. ഇതിനോടകം തന്നെ യോഗിയുമായുള്ള രജനിയുടെ കൂടിക്കാഴ്ചയുടെ വീഡിയോ സോഷ്യല് മീഡിയയില് വൈറലാണ്. ഉത്തര്പ്രദേശ് മുഖ്യമന്ത്രിയുടെ കാല് തൊട്ട് വന്ദിച്ചാണ് രജനി ഉപചാരം പ്രകടിപ്പിക്കുന്നത്.
അതേസമയം, രജനികാന്ത് നായകനായ സൂപ്പര്ഹിറ്റ് ചിത്രം ജയിലറിന്റെ ഒരു പ്രത്യേക പ്രദര്ശനം ലഖ്നൌവില് നടന്നിരുന്നു. ഉപമുഖ്യമന്ത്രി കേശവ് പ്രസാദ് മൌര്യ അവിടെ ചിത്രം കാണാന് എത്തിയിരുന്നു.
‘ജയിലര് കാണാനുള്ള അവസരം എനിക്ക് ലഭിച്ചു. രജനികാന്തിന്റെ നിരവധി ചിത്രങ്ങള് മുന്പ് കണ്ടിട്ടുള്ള എനിക്ക് അദ്ദേഹത്തിന്റെ പ്രതിഭ എന്തെന്ന് അറിയാം. ഉള്ളടക്കം നോക്കിയാല് വലുതായൊന്നുമില്ലെങ്കിലും അദ്ദേഹത്തിന്റെ പ്രകടനം ഗംഭീരമാണ്’, ചിത്രം കണ്ടതിനു ശേഷം കേശവ് പ്രസാദ് മൌര്യ പറഞ്ഞു.
അതേസമയം, യോഗിയോടൊപ്പം ജയിലര് കാണാനുള്ള തന്റെ ആഗ്രഹത്തെക്കുറിച്ച് ലഖ്നൌ യാത്രയ്ക്ക് മുന്പ് രജനികാന്ത് മാധ്യമങ്ങളോട് പങ്കുവച്ചിരുന്നു. ‘മുഖ്യമന്ത്രിക്കൊപ്പം ഞാന് ചിത്രം കാണും. സിനിമയുടെ വിജയം മുകളില് നിന്നുള്ള അനുഗ്രഹമായാണ് എനിക്ക് അനുഭവപ്പെടുന്നത്’, രജനി പറഞ്ഞിരുന്നു.
Discussion about this post