നടന്‍ ഇന്നസെന്റിന്റെ വിയോഗം സിനിമാലോകത്ത് തീരാവേദനയാണ്. മലയാളികളുടെ പ്രായനടനെ അവസാനമായി മേക്കപ്പിടുന്ന ചിത്രം സോഷ്യല്‍ മീഡിയയില്‍ നോവാവുകയാണ്.
ഈ ചിത്രംസംവിധായകന്‍ ആലപ്പി അഷറഫ് ആണ് ഫേസ്ബുക്കില്‍ പോസ്റ്റ് ചെയ്തിരിക്കുന്നത്. ‘ഒരിക്കല്‍ കൂടി…. ഇനിയൊരു മേക്കപ്പ് ഇടല്‍ ഉണ്ടാവില്ല. എന്നാലും, അരങ്ങു തകര്‍ത്ത അഭിനയ മികവ് എന്നും നിലനില്‍ക്കും’- എന്ന അടിക്കുറിപ്പോടെയാണ് ചിത്രം പോസ്റ്റ് ചെയ്തിരിക്കുന്നത്.
ഇന്നസെന്റിന്റെ കൈകളില്‍ നിര്‍മാതാവ് ഔസേപ്പച്ചന്‍ അവസാനമായി കുരിശ് പിടിപ്പിച്ചുകൊടുക്കുന്നതും ചിത്രത്തില്‍ കാണാം. ഒരു നിയോഗം പോലെയാണ് അദേഹത്തിന് കുരിശ് നല്‍കി യാത്രയാക്കാനുള്ള അവസരമുണ്ടായതെന്ന് ഔസേപ്പച്ചന്‍ ഒരു മാദ്ധ്യമത്തോട് പറഞ്ഞു.
നടന്മാരായ ബാബുരാജ്, സിദ്ദിഖ് എന്നിവരും ചിത്രത്തില്‍ അദ്ദേഹത്തിനടുത്തുണ്ട്. രാഷ്ട്രീയ സാംസ്‌കാരിക മേഖലയിലുള്ള പ്രമുഖര്‍ താരത്തെ അവസാനമായി ഒരുനോക്കുകാണാന്‍ എത്തിക്കൊണ്ടിരിക്കുകയാണ്.