തനിക്ക് വിവാഹം കഴിക്കാൻ താത്പര്യമില്ലെന്ന് യുവതാരം ഹണി റോസ്. പ്രമുഖ മാധ്യമത്തോടാണ് താരത്തിന്റെ പ്രതികരണം. വിവാഹം കഴിക്കാനും മറ്റുള്ളവരുടെ വിവാഹങ്ങളിൽ പങ്കെടുക്കാനും താത്പര്യമില്ല. സ്‌കൂളിൽ പഠിക്കുമ്പോൾ പലരും ഐ ലൗവ് യു പറഞ്ഞിട്ടുണ്ട്. അത് അങ്ങനെ കുറച്ചു നാളാെക്കെ നീണ്ടുപോയി, എന്നല്ലാതെ വേറെ പ്രണയമൊന്നുമില്ലെന്ന് ഹണി റോസ് കൂട്ടിച്ചേർത്തു.
ഇതുവരെയുള്ള എന്റെ ജീവിതം നോക്കുകയാണെങ്കിൽ ചെറുപ്പം തൊട്ടേ എനിക്കങ്ങനെ ഒരാഗ്രഹവുമില്ല. ഇനിയിപ്പോ എന്റെ എന്തെങ്കിലും കുഴപ്പമാണോയെന്ന് അറിയില്ല. ജീവിതത്തിൽ ഒരു പങ്കാളി ഉണ്ടാവുന്നത് നല്ലതാണ്. ഇഷ്ടമാണ്. എന്നാൽ കല്യാണം എന്നുപറയുന്ന ആ ദിവസവും അതിന്റെ ഭാഗമായ ഒരുക്കങ്ങളും ബഹളവും എനിക്ക് ചിന്തിക്കാൻ പറ്റുന്നില്ല.
മറ്റൊരാളുടെ കല്യാണത്തിന് പോകുന്നതുപോലും എനിക്കിഷ്ടമല്ല. എന്തോ, ഒരു ഇഷ്ടക്കേടാണ്. കാരണം കാമറയും ആളുകളും ബഹളവും ഒക്കെയായിട്ട് അവർക്കുപോലും അത് ആസ്വദിക്കാൻ പറ്റാറില്ല. കുറേ പൈസ ഉണ്ടെന്ന് കാണിക്കാൻ വേണ്ടി ആളുകളെ വിളിക്കുന്നു. കുറേ ഭക്ഷണം കൊടുക്കുന്നു.
ചിലർ പെണ്ണിന് നിറമില്ല, ആഭരണം കുറവാണ്. ചെറുക്കനെ കാണാൻ കൊള്ളില്ല. ഇങ്ങനെ കുറ്റം പറയുന്നവരുണ്ടാകും. ഇതിനിടയിൽ ചെറുക്കനും പെണ്ണും വിയർത്ത് കുളിച്ച് നിൽക്കുകയായിരിക്കും. അവരത് ആസ്വദിക്കുന്നുണ്ടെന്ന് എനിക്ക് തോന്നുന്നില്ലെന്ന് നടി കൂട്ടിച്ചേർത്തു.
Discussion about this post