പാൻ ഇന്ത്യൻ ലെവലിൽ ബോക്സ് ഓഫീസില്‍ ചരിത്ര വിജയം നേടിയ കന്നഡ സിനിമയാണ് കാന്താര. കന്നഡ സിനിമയെ ഇന്ത്യയുടെ തന്നെ അഭിമാനമായി അവതരിപ്പിക്കുന്നതിൽ മുഖ്യ പങ്കു വഹിച്ച സിനിമ ആയിരുന്നു കാന്താര.
ചിത്രത്തിന് ലോകമെമ്പാടുനിന്നും വലിയ അഭിനന്ദന പ്രവാഹമാണ് ലഭിച്ചത്. സംവിധായകൻ റിഷബ് ഷെട്ടിയുടെ കരിയർ ബെസ്റ്റ് സിനിമ കൂടിയാണ് കാന്താര.
കാന്താര സിനിമയുടെ പ്രീക്വൽ വാർത്തകൾ കൂടി സ്ഥിരീകരിക്കുമ്പോൾ രാഷ്ട്രീയ പ്രവേശനം എന്ന പ്രചരിക്കുന്ന അഭ്യൂഹത്തോട് പ്രതികരിക്കുകയാണ് സംവിധായകൻ.
താരം താൻ രാഷ്ട്രീയത്തിലിറങ്ങുമെന്നും തെരഞ്ഞെടുപ്പില്‍ മത്സരിക്കുമെന്ന പ്രചാരണത്തിനാണ് മറുപടി നൽകിയിരിക്കുന്നത്.
താൻ രാഷ്ട്രീയത്തിലേക്കിറങ്ങാന്‍ ആഗ്രഹിക്കുന്നില്ല എന്നും സമൂഹത്തിലെ മാറ്റം രാഷ്ട്രീയത്തില്‍ നിന്നാകണമെന്ന് ഇല്ല എന്നുമാണ് അദ്ദേഹം അഭിപ്രായപ്പെടുന്നത്.
തെരഞ്ഞെടുപ്പില്‍ മത്സരിക്കാൻ മൂന്ന് പാര്‍ട്ടികളും തനിക്ക് സീറ്റ് വാഗ്ദാനം ചെയ്തു എന്നാണ് റിഷബ് ചിരിച്ചുകൊണ്ട് വെളിപ്പെടുത്തിയത്.
also read- ഇനി കോൺഗ്രസിനൊപ്പം; തെരഞ്ഞെടുപ്പിൽ കോൺഗ്രസിനായി വോട്ട് തേടാൻ കമൽഹാസൻ
അതേസമയം മഴക്കാലമായാൽ ജൂണിൽ കാന്താര പ്രീക്വലിന്റെ ചിത്രീകരണം തുടങ്ങാനാണ് പദ്ധതി. ചിത്രീകരണത്തിന്റെ ഒരു ഘട്ടം മഴക്കാലത്താണ് ചിത്രീകരിക്കേണ്ടത്.