തെന്നിന്ത്യയിലെ താരറാണിയാണ് നടി നയന്‍താര. ഇക്കഴിഞ്ഞ ജൂണിലാണ് താരവും വിഘ്‌നേഷും വിവാഹിതനായത്. അടുത്തിടെ താരങ്ങള്‍ ഇരട്ടക്കുട്ടികളുടെ മാതാപിതാക്കളായത്. ഇരട്ട ആണ്‍കുട്ടികളാണ് താരങ്ങള്‍ക്ക് പിറന്നത്. സര്‍പ്രൈസായിട്ടാണ് താരങ്ങള്‍ കുഞ്ഞുങ്ങളെത്തിയ സന്തോഷം പങ്കുവച്ചത്.
ഇപ്പോഴിതാ മരുമകളെ കുറിച്ച് പറയുകയാണ് വിഘ്‌നേഷിന്റെ അമ്മ. ഒരിക്കല്‍ വീട്ടില്‍ ജോലി ചെയ്യുന്ന സ്ത്രീ സങ്കടപ്പെട്ടിരിക്കുന്നത് കണ്ട നയന്‍താര കാരണം ചോദിച്ചറിയുകയും സാമ്പത്തികമായി അവരെ സഹായിച്ചുവെന്നും വിഘ്‌നേഷിന്റെ അമ്മ മീന കുമാരി പറഞ്ഞു.
ഞങ്ങളുടെ വീട്ടില്‍ നാല് പുരുഷന്മാരും നാല് സ്ത്രീകളും അടക്കം എട്ട് പേരാണ് സഹായത്തിനുള്ളത്. ഒരിക്കല്‍ ഒരു സ്ത്രീ സങ്കടപ്പെടുന്നത് കണ്ട് നയന്‍ അവരോട് കാരണം ചോദിച്ചു. തനിക്ക് ചില സാമ്പത്തിക പ്രശ്നങ്ങളുണ്ടെന്നും കടം തീര്‍ക്കാന്‍ നാല് ലക്ഷം രൂപ വേണമെന്നുമാണ് അവര്‍ പറഞ്ഞത്. ഇത് കേട്ടയുടനെ മകള്‍ കടം തീര്‍ക്കാന്‍ നാല് ലക്ഷം രൂപ കൊടുക്കുകയായിരുന്നു. ഞാന്‍ ഇതെല്ലാം കണ്ടുകൊണ്ടിരുന്നു.
കാശ് ഉള്ള ഒരു നടി തനിക്ക് ഇഷ്ടമുള്ളവര്‍ക്ക് സഹായം ചെയ്യുന്നത് പുതുമയല്ല, എന്നാല്‍ അത് കൊടുക്കാനുള്ള ഒരു മനസാണ് വേണ്ടത്. അങ്ങനെയാണ് നയന്‍താര. ആ സ്ത്രീയും ഞങ്ങള്‍ക്ക് വേണ്ടി ഒരുപാട് കഷ്ടപ്പെട്ടിട്ടുണ്ട്. ഒപ്പം നയന്റെ അമ്മ കേരളത്തില്‍ നിന്ന് വന്നപ്പോള്‍ അവര്‍ക്ക് തന്റെ സ്വര്‍ണ്ണ വള സമ്മാനിച്ചിരുന്നു, മീന കുമാരി പറഞ്ഞു.
2015-ല്‍ പുറത്തിറങ്ങിയ ‘നാനും റൗഡി താന്‍’ എന്ന വിഘ്‌നേഷ് ശിവന്‍ ചിത്രത്തിന് ശേഷമാണ് ഇരുവരും പ്രണയത്തിലാകുന്നത്. ഏഴ് വര്‍ഷത്തെ ലിവിങ് റിലേഷന് ശേഷം 2022 ജൂണില്‍ നയന്‍താരയും വിഘ്‌നേഷും വിവാഹിതരായി.
Discussion about this post