ദുബായ്: നടനും തിരക്കഥാകൃത്തും സംവിധായകനുമായ അനൂപ് മേനോനും യുഎഇ ഗോൾഡൻ വിസ. ദുബായിയിലെ മുൻനിര സർക്കാർ സേവന ദാതാക്കളായ ഇസിഎച്ച് ഡിജിറ്റലിൽ സിഇഒ ഇഖ്ബാൽ മാർക്കോണിയിൽ നിന്നുമാണ് താരം വിസ ഏറ്റുവാങ്ങിയത്. നൂറിൽപരം സിനിമകളിൽ ശ്രദ്ധേയമായ വേഷങ്ങൾ കൈകാര്യം ചെയ്ത അനൂപ് മേനോൻ തിരക്കഥാ രംഗത്തും ശ്രദ്ധേയനാണ്.
വിവിധ രംഗങ്ങളിൽ മികവ് തെളിയിച്ചവർക്കും നിക്ഷേപകർക്കും ബിസിനസുകാർക്കുമെല്ലാം യുഎഇ ഭരണകൂടം അനുവദിക്കുന്നതാണ് ഗോൾഡൻ വീസകൾ. 10 വർഷത്തെ കാലാവധിയുള്ള ഈ വീസകൾ, കാലാവധി പൂർത്തിയാകുമ്പോൾ പുതുക്കി നൽകുകയും ചെയ്യും.
നേരത്തെ, മമ്മൂട്ടി, മോഹൻലാൽ തുടങ്ങി പ്രമുഖ നടന്മാരടക്കം ഒട്ടേറെ മലയാളി കലാകാരന്മാർ, ഡോക്ടർമാർ, മാധ്യമപ്രവർത്തകർ തുടങ്ങിയവർക്ക് ഗോൾഡൻ വിസ ലഭിച്ചിരുന്നു.