കഴിഞ്ഞ ലോക്‌സഭാ തെരഞ്ഞെടുപ്പ് കാലത്ത് തൃശൂരിൽവെച്ച് ഗർഭിണിയായ ഒരു യുവതിയുടെ വയറിൽ കൈവെച്ച് അനുഗ്രഹിക്കുന്ന സുരേഷ് ഗോപി ദൃശ്യങ്ങൾ വലിയ വിവാദമായിരുന്നു. പിന്നീട് ഈ യുവതിയുടെ വീട്ടിലേക്ക് സുരേഷ് ഗോപിയുടെ കുടുംബം എത്തുകയും സമ്മാനങ്ങൾ നൽകുകയുമൊക്കെ ചെയ്തിരുന്നു. ഈ സംഭവത്തെ കുറിച്ച് പ്രതികരിച്ച് രംഗത്തെത്തിയിരിക്കുകയാണ് ഇപ്പോൾ താരം സുരേഷ്‌ഗോപി.
‘ഒരു ഗർഭിണിയെ വഴിവക്കിൽ വെച്ച് കണ്ടപ്പോൾ അവർ അടുത്ത് വന്ന് സംസാരിച്ചപ്പോഴാണ് ഏഴ് മാസമായി അനുഗ്രഹിക്കുമോയെന്ന് ചോദിച്ചത്. അപ്പോഴാണ് ഞാൻ ആ കുട്ടിയുടെ വയറിൽ കൈവെച്ചത്. അപ്പോഴേക്കും അത് പലർക്കും അസുഖമുണ്ടാക്കി. എന്റെ മകളാണ് അങ്ങനെ വന്ന് നിൽക്കുന്നതെങ്കിൽ ഞാൻ ആ വയറ്റത്ത് ഉമ്മ വെയ്ക്കും, കൈവെച്ചുതടവും, നല്ല പാട്ട് പാടി കൊടുക്കുകയുമെല്ലാം ചെയ്യും.’- സുരേഷ് ഗോപി പ്രതികരിച്ചു.
‘ലോകത്തിൽ ഇഷ്ടപ്പെടുന്ന ഏറ്റവും വലിയ കാഴ്ച. തൃശൂർ പൂരമാണെങ്കിലും അതിനേക്കാൾ ഞാൻ ഇഷ്ടപ്പെടുന്നത് ഒരു പത്ത് അയ്യായിരം ഗർഭിണികൾ വയറൊക്കെ തള്ളിപിടിച്ച് നിൽക്കുന്ന കാഴ്ച കണ്ട് എനിക്കിങ്ങനെ സുഖിക്കണം. എനിക്ക് ഇഷ്ടപ്പെട്ട കാഴ്ചയാണത്. അതുപോലെ കുഞ്ഞുങ്ങളെ കണ്ടാലും ഞാൻ പോയി എടുക്കും’- സുരേഷ് ഗോപി വ്യക്തമാക്കി.
Discussion about this post