സിനിമാ ലോകം ഒന്നടങ്കം ചർച്ച ചെയ്ത ഒന്നായിരുന്നു നടി സാമന്തയുടെയും-നാഗചൈതന്യയുടെയും വിവാഹമോചനം. വർഷങ്ങൾ നീണ്ട പ്രണയം എത്തിച്ച വിവാഹജീവിതം ഇരുവരും അവസാനിപ്പിച്ചത് നാല് വർഷത്തെ ദാമ്പത്യത്തിനൊടുവിലായിരുന്നു. ഇപ്പോൾ ഈ ചർച്ചകൾക്ക് പിന്നാലെ നടി ശ്വേത മേനോനും വിവാഹമോചിതയാകുന്നുവെന്ന വാർത്തയാണ് ചൂടു പിടിക്കുന്നത്. എന്നാൽ ഇത് വ്യാജമാണെന്നും പരിഹാസ രൂപേണ പ്രതികരണവുമായി നടി തന്നെ രംഗത്തെത്തിയിട്ടുണ്ട്.
ആറു മാസത്തിൽ ഒരിക്കൽ സോഷ്യൽ മീഡിയ തനിക്ക് ഡിവേഴ്‌സ് തരാറുണ്ടെന്ന് ശ്വേത മേനോൻ തമാശ രൂപേണ പറഞ്ഞു. തന്റെ പേരിൽ പ്രചരിക്കുന്ന ഗോസിപ്പുകളോട് ഇത്തരത്തിലാണ് പ്രതികരണവുമെന്നും നടി കൂട്ടിച്ചേർത്തു. പ്രമുഖ മാധ്യമത്തിന് നൽകിയ അഭിമുഖത്തിലാണ് പാപ്പരാസികളുടെ പ്രചരണത്തോട് താരം പ്രതികരിച്ചത്. ശ്വേത മേനോൻ സോഷ്യൽ മീഡിയയിൽ സജീവമാണെങ്കിലും ഭർത്താവ് ശ്രീവത്സൻ മേനോനും മകൾ സബൈനയും സോഷ്യൽ മീഡിയയിൽ നിന്ന് മാറി നിൽക്കുകയാണ്.
ശ്വേത മേനോന്റെ വാക്കുകൾ;
ആറു മാസത്തിൽ ഒരിക്കൽ സോഷ്യൽ മീഡിയ തനിക്ക് ഡിവേഴ്‌സ് തരാറുണ്ട്. തനിക്ക് നല്ല തിരക്കുള്ളതു കൊണ്ട് അവർ ഇങ്ങനെ ചെയ്തു തരുന്നത്. പിന്നെ ഇങ്ങനെ കേൾക്കുന്നത് തനിക്കും ഇഷ്ടമാണ്. എന്തും കേൾക്കുന്നത് വാർത്തയാവുന്ന ഒരു മേഖലയിലാണ് ഞാൻ പ്രവർത്തിക്കുന്നത്.
എയര്‍ ഇന്ത്യയ്ക്ക് പിന്നാലെ ഒരു പൊതുമേഖലാ സ്ഥാപനം കൂടി ടാറ്റയ്ക്ക്: വില്‍പ്പന 12100 കോടി രൂപയ്ക്ക്
നല്ല വാർത്ത മാത്രമേ വരുകയുള്ളു എന്ന് ഒരിക്കലും പറയാൻ കഴിയില്ല. ഇങ്ങനെ കേൾക്കുന്നത് സത്യമാണോ എന്ന് തന്നോട് ആരും ചോദിക്കാറില്ല. ചോദിക്കാത്തതിനാൽ പറയാറുമില്ല. അത്രയേ ഉള്ളൂ. തന്റെ സ്വകാര്യ ജീവിതത്തെ കുറിച്ച് ഒരു പരിധിക്കപ്പുറം ഒന്നും തന്നെ സംസാരിക്കില്ല.
എനിക്ക് അത് ഇഷ്ടവുമല്ല. ഞാനൊരു സെലിബ്രിറ്റിയും സമൂഹത്തിൽ പെട്ടെന്ന് തിരിച്ചറിയപ്പെടുകയും ചെയ്യുന്ന ആൾ ആണെന്ന ബോധത്തോടെയാണ് നിൽക്കുന്നത്. ഈ ജോലിയിൽ ഇതെല്ലാം കേൾക്കേണ്ടി വരും എന്ന സാമൂഹ്യ ബോധമുണ്ട്. എന്നാൽ എന്റെ കുടുംബത്തെ പറ്റി പറയുമ്പോഴാണ് സങ്കടം വരിക.