ലേഡീസ് ആന്‍ഡ് ജന്റില്‍മാന്‍ എന്ന ചിത്രത്തിന് ശേഷം മോഹന്‍ലാലിനെ നായകനാക്കി സിദിഖ് സംവിധാനം ചെയ്യുന്ന ചിത്രമാണ് ബിഗ് ബ്രദര്‍. ചിത്രത്തിന്റെ മോഷന്‍ പോസ്റ്റര്‍ കഴിഞ്ഞ ദിവസം പുറത്തുവിട്ടു. ഇരുവരും ഒന്നിക്കുന്ന മൂന്നാമത്തെ ചിത്രമാണ് ‘ബിഗ് ബ്രദര്‍’. ചിത്രം ഒരു മുഴുനീള എന്റര്‍ടെയ്നര്‍ ആയിരിക്കുമെന്നാണ് സിദിഖ് പറഞ്ഞിരിക്കുന്നത്.
വിയറ്റ്‌നാംകോളനി എന്ന ചിത്രമാണ് ഇരുവരും ആദ്യം ഒന്നിച്ച ചിത്രം. അതിനു ശേഷം നീണ്ട ഇടവേളയ്ക്ക് ശേഷം ഇരുവരും ഒന്നിച്ച ചിത്രമാണ് ലേഡീസ് ആന്‍ഡ് ജന്റില്‍മാന്‍. ചിത്രത്തിന് തീയ്യേറ്ററില്‍ കാര്യമായ ചലനങ്ങള്‍ സൃഷ്ടിക്കാന്‍ പറ്റിയില്ല. അതുകൊണ്ടു തന്നെ ഇരുവരും ഒന്നിക്കുന്ന മൂന്നാമത്തെ ചിത്രം എല്ലാ വിധത്തിലും മികച്ച ഒരു എന്റര്‍ടെയ്നര്‍ ആയിരിക്കുമെന്ന ഉറപ്പാണ് സംവിധായകന്‍ സിദിഖ് നല്‍കുന്നത്.