ബോളിവുഡിനും ഹോളിവുഡിനും ഒരുപോലെ പ്രിയപ്പെട്ട താരദമ്പതികളായ നടി പ്രിയങ്ക ചോപ്രയും അമേരിക്കന്‍ ഗായകന്‍ നിക് ജോനാസും വേര്‍പിരിയുന്നതായി സൈബറിടത്ത് ചൂടേറുന്നു. പ്രിയങ്ക തന്റെ ഇന്‍സ്റ്റാഗ്രാം, ട്വിറ്റര്‍ അക്കൗണ്ടുകളില്‍ നിന്നും നിക്കിന്റെ കുടുംബപേരായ ജോനസ് നീക്കിയതാണ് അഭ്യൂഹങ്ങള്‍ക്ക് വഴിവെച്ചത്.
എന്നാല്‍ ഈ അഭ്യൂഹങ്ങളെ തള്ളിക്കളഞ്ഞ് പ്രിയങ്കയോട് അടുത്ത വൃത്തങ്ങള്‍ രംഗത്ത് വന്നിട്ടുണ്ട്. കൂടാതെ നിക്ക് സോഷ്യല്‍ മീഡിയയില്‍ പങ്കുവച്ച പുതിയ വര്‍ക്കൗട്ട് വീഡിയോയ്ക്ക് പ്രിയങ്ക നല്‍കിയ കമന്റും ഈ ആരോപണം പാടെ തള്ളിക്കളയുന്നതാണ്.
പരസ്പരമുള്ള പ്രണയം ഇരുവരും പങ്കുവച്ച നാള്‍ മുതലേ ഈ ബന്ധം അധിക നാള്‍ നീണ്ട് പോകില്ലെന്ന് പ്രവചനങ്ങള്‍ പലരും നടത്തിയിരുന്നു. ഇരുവരും തമ്മിലുള്ള പ്രായ വ്യത്യാസം തന്നെയായിരുന്നു അതിന് പ്രധാന കാരണം. പ്രിയങ്കയേക്കാള്‍ പത്ത് വയസിന് ഇളയതാണ് ഹോളിവുഡ് ഗായകനായ നിക് ജോനാസ്.
2018 ഡിസംബര്‍ ഒന്നിനാണ് ജോധ്പൂരിലെ ഉമൈദ് ഭവന്‍ പാലസില്‍ വച്ച് ഇരുവരും വിവാഹിതരാകുന്നത്. 37 കാരിയായ പ്രിയങ്കയും 27 കാരന്‍ നിക്കും തമ്മിലുള്ള വിവാഹത്തിനെതിരേ നിരവധി വിമര്‍ശനങ്ങള്‍ വന്നിരുന്നുവെങ്കിലും അതൊന്നും തങ്ങളുടെ പ്രണയത്തെ ബാധിക്കാന്‍ ഇരുവരും അനുവദിച്ചിരുന്നില്ല.
Discussion about this post