വിഷ്ണു വിഷാല്‍ നായകനായി എത്തിയ രാക്ഷസന്‍ എന്ന ചിത്രത്തിലെ മാജിക്ക് രംഗങ്ങള്‍ അത്ര പെട്ടെന്ന് ഒന്നും പ്രേക്ഷകര്‍ മറക്കില്ല. ചിത്രത്തിലെ കാര്‍ഡ് കൊണ്ടുള്ള മാജിക്ക് പ്രേക്ഷകരെ അത്രയ്ക്കാണ് വിസ്മയിപ്പിച്ചത്. ഇപ്പോള്‍ ചിത്രത്തിലെ ആ ദൃശൃങ്ങള്‍ പിറന്നതിന് പിന്നിലെ വിഷ്വല്‍ എഫക്ട്‌സ് പങ്കുവെക്കുകയാണ് വിഎഫ്എക്‌സ് നിര്‍വഹിച്ച അക്ഷ സ്റ്റുഡിയോസ്.
സൈക്കോ ത്രില്ലിങ്ങ് സ്വഭാവത്തോടെ എത്തിയ രാക്ഷസന്‍ തമിഴില്‍ ഈ വര്‍ഷം വളരെയധികം ശ്രദ്ധിക്കപ്പെട്ട ചിത്രം കൂടിയാണ്. രാംകുമാറാണ് രാക്ഷസന്റെ സംവിധാനം. വിഷ്ണു വിഷാലും അമല പോളും പ്രധാന കഥാപാത്രങ്ങളെ അവതരിപ്പിച്ച ചിത്രം നിര്‍മ്മിച്ചിരിക്കുന്നത് ആക്‌സസ് ഫിലിം ഫാക്ടറിയാണ്.
