കൊച്ചി: മലയാളം ബിഗ്‌ബോസിനുശേഷം മലയാളികള്‍ ഏറ്റവും കൂടുതല്‍ ചര്‍ച്ച ചെയ്തിട്ടുണ്ടാകുക പേളി – ശ്രീനിഷ് ജോഡികളുടെ പ്രണയെത്തെക്കുറിച്ചാകും. അവരുടെ ഓരോ ചിത്രത്തിനും ഗംഭീര വരവേല്‍പ്പാണ് ലഭിച്ചു കൊണ്ടിരിക്കുന്നതും.
ഇപ്പോള്‍ സോഷ്യല്‍ മീഡിയയിലെ തങ്ങളുടെ ആരാധകര്‍ക്ക് പുതിയ വിരുന്നുമായി എത്തിയിരിക്കുകയാണ് പേര്‍ളിയും ശ്രീനിഷും. പേര്‍ളിഷ് എന്ന പേരില്‍ ഇവര്‍ ഒന്നിച്ച് അഭിനയിക്കുന്ന പേര്‍ളിയുടെ യൂട്യൂബ് ചാനലില്‍ ഇവരുടെ ആദ്യ വെബ് സീരീസ് പുറത്ത് വിട്ടു. പേര്‍ളിമാണിയും ജെസിന്‍ ജോര്‍ജും ആലപിച്ച ഗാനം പേര്‍ളിയും ശ്രദ്ധയും ചേര്‍ന്നാണ് എഴുതിയിരിക്കുന്നത്.
ശരത് ഡേവിസ് സംവിധാനം ചെയ്ത പേര്‍ളിഷിനു ജെസിന്‍ ജോര്‍ജ് ആണ് സംഗീതം നിര്‍വ്വഹിച്ചിരിക്കുന്നത്. ക്ലിന്റ് സോമന്‍ ക്യാമറയും, എഡിറ്ററും ചലച്ചിത്ര സംവിധായകനുമായ അജയ് ദേവലോക എഡിറ്റിംഗും കൈകാര്യം ചെയ്തിരിക്കുന്നു.
നേരത്തെ ശ്രീനിഷും താനുമായിട്ടുള്ള പ്രണയം നാടകമല്ലായിരുന്നുവെന്നും ശരിക്കും താന്‍ ശ്രീനിഷിനെ സ്നേഹിക്കുന്നുവെന്നും പേളി ബിഗ് ബോസ് ഫൈനലിന് ശേഷം ഫേസ്ബുക്ക് ലൈവിലൂടെ പറഞ്ഞിരുന്നു. എല്ലാവരും ആഗ്രഹിക്കുന്ന പോലെ താനും പേളിയും ഇനി ഭാവികാര്യങ്ങളെ കുറിച്ച് ആലോചിക്കുമെന്ന് ശ്രീനിഷും ഫേസ്ബുക്ക് ലൈവില്‍ അറിയിച്ചിരുന്നു.
Discussion about this post