മയക്കുമരുന്ന് കേസില് നടിയും മോഡലുമായ സോണിയ അഗര്വാള് അറസ്റ്റിലായതിനു പിന്നാലെ പ്രത്യക്ഷപ്പെട്ട ചിത്രങ്ങളും വാര്ത്തകളിലും തെന്നിന്ത്യന് താരം സോണിയ അഗര്വാളിന്റേതാണ്. അനാവശ്യമായി ചിത്രങ്ങള് പ്രത്യക്ഷപ്പെട്ടതിനെതിരെ താരം രംഗത്തെത്തിയിരിക്കുകയാണ്.
P S – I will be taking appropriate legal action towards the concerned media houses and journalists for defamation and putting me and my family through this mental agony and shock caused by all the continuous calls and messages since morning
— Sonia aggarwal (@soniya_agg) August 30, 2021
കഴിഞ്ഞ ദിവസമാണ് മയക്കുമരുന്നു കേസില് നടിയും മോഡലുമായ സോണിയ അഗര്വാള് കസ്റ്റഡിയിലായത്. താരത്തിന്റെ ഫ്ളാറ്റില് നിന്ന് മയക്കുമരുന്നു കഞ്ചാവും പിടിച്ചെടുത്തതിനു പിന്നാലെയാണ് അറസ്റ്റ് നടന്നത്. കന്നഡ നടന് ഭരത്, ഡിജെ ചിന്നപ്പ എന്നിവരേയും എന്സിബി കസ്റ്റഡിയിലെടുത്തിരുന്നു.
വാര്ത്ത പ്രചരിച്ചതിന് പിന്നാലെ നേരിടേണ്ടി വന്ന മാനനഷ്ടത്തിനും നിരന്തരമുള്ള കോളുകളോട് പ്രതികരിക്കുകയും ചോദ്യങ്ങള് നേരിടേണ്ടി വരികയും ചെയ്തതിനും താനും തന്റെ കുടുംബവും നേരിട്ട മാനസിക സംഘര്ഷത്തിനും തന്റെ പേരില് വ്യാജ വാര്ത്ത പ്രചരിപ്പിച്ച മാധ്യമങ്ങള്ക്കെതിരേ ശക്തമായ നിയമനടപടി സ്വീകരിച്ച് മുന്പോട്ടു പോകുമെന്ന് താരം ട്വിറ്ററിലൂടെ അറിയിച്ചു.
നിലവില് കേരളത്തില് ദ്വിഭാഷാ ചിത്രത്തിന്റെ ചിത്രീകരണ തിരക്കുകളിലാണ് താനെന്നും യാതൊരു വിധ അന്വേഷണങ്ങളും കൂടാതെ തന്റെ പേരില് ഇത്തരം വ്യാജവാര്ത്തകള് പ്രചരിപ്പിച്ചവരെ നിയമപരമായി തന്നെ നേരിടുമെന്നും സോണിയ വ്യക്തമാക്കി. ഷിജിന് ലാല് സംവിധാനം ചെയ്യുന്ന തമിഴ് മലയാളം ദ്വിഭാഷാ ഹൊറര് ചിത്രം ഗ്രാന്ഡ്മായുടെ ചിത്രീകരണത്തിരക്കുകളുമായി തിരുവനന്തപുരത്താണ് താരം ഇപ്പോള് ഉള്ളത്.
Discussion about this post