സോഷ്യല്‍ മീഡിയയില്‍ വൈറലായിരിക്കുകയാണ് റിയാലിറ്റി ഷോയിലൂടെ പ്രശസ്തനായ ബഷീര്‍ ബഷിയും രണ്ട് ഭാര്യമാരും. ടിക് ടോക് വിഡിയോയിലൂടെയാണ് വീണ്ടും ബഷിയും രണ്ടു ഭാര്യമാരും വീണ്ടും സോഷ്യല്‍മീഡിയയില്‍ ശ്രദ്ധേയമായിരിക്കുന്നത്. ബഷീര്‍ ബഷിയുടെ ഭാര്യമാരായ സുഹാനയുടെയും മഷൂരയുടെയും ടിക് ടോക് വിഡിയോ ആരാധകര്‍ ഏറ്റെടുത്തിരിക്കുകയാണ്.
മലയാളത്തിലെ പ്രശസ്ത ഹാസ്യപരിപാടികളിലെയും സിനിമകളിലെയും സംഭാഷണങ്ങളാണു ബഷീറും കുടുംബവും ടിക് ടേകില്‍ അവതിപ്പിച്ചിരിക്കുന്നത്. ഇരുഭാര്യമാരും ഒന്നിച്ചുള്ള ടിക്‌ടോകും വിഡിയോയിലുണ്ട്. സമൂഹമാധ്യമങ്ങളില്‍ തരംഗമായ വീഡിയോയ്ക്കു നിരവധി പേരാണ് അഭിനന്ദനങ്ങള്‍ അറിയിക്കുന്നത്.
ആദ്യ ഭാര്യ സുഹാന വീട്ടമ്മയാണ്. രണ്ടു മക്കളുമുണ്ട്. രണ്ടാം ഭാര്യ മഷൂര ബിഫാം വിദ്യാര്‍ത്ഥിനിയാണ്. ബിസിനസുകാരനായ ബഷീര്‍ അവതാരകനും ഡിജെയും അഭിനേതാവും കൂടിയാണ്. മോഡലിങ്ങിലൂടെയും റിയാലിറ്റി ഷോയിലൂടെയും മലയാളികള്‍ക്കു സുപരിചിതനാണ് ഇദ്ദേഹം.
