തമിഴ് സൂപ്പര്‍ താരം സൂര്യയുടെ പിറന്നാളിന് വേണ്ടി ചെങ്കല്‍ചൂളിയലെ പയ്യന്മാര്‍ ഒരുക്കിയ വ്യത്യസ്തമായ വീഡിയോ സോഷ്യല്‍മീഡിയയില്‍ തരംഗം സൃഷ്ടിച്ചിരുന്നു. തിരുവനന്തപുരം ചെങ്കല്‍ച്ചൂള കോളനി എന്നറിയപ്പെടുന്ന രാജാജി നഗറിലെ ഒരുകൂട്ടം ചെറുപ്പക്കാരാണ് ഇതിനു പിന്നില്‍യ സൂര്യ നായകനായ ‘അയന്‍’ എന്ന സിനിമയിലെ ഗാനവും സംഘട്ടന രംഗങ്ങളുമാണ് ഈ മിടുക്കന്മാര്‍ അതേ രീതിയില്‍ പുനഃരാവിഷ്‌കരിച്ചത്.
Loved this… too good.! Stay safe! https://t.co/kzSMpvwjRr
— Suriya Sivakumar (@Suriya_offl) July 25, 2021
ചുരുങ്ങിയ സമയത്തിനകം വൈറലായ വീഡിയോ ട്വിറ്ററിലൂടെ പങ്കുവെച്ച് സൂര്യ പ്രശംസിച്ചു. ഒറ്റവരി ട്വീറ്റിലൂടെയാണ് താരത്തിന്റെ പ്രശംസ. വീഡിയോ ഷെയര്‍ ചെയ്തുകൊണ്ട് ഒരുപാട് ഇഷ്ടമായി എന്നും ഗംഭീരം എന്നും സൂര്യ കുറിച്ചു. അതോടൊപ്പം എല്ലാവരും സുരക്ഷിതരായിരിക്കണമെന്നും താരം ഓര്‍മിപ്പിച്ചു.
ചെങ്കല്‍ച്ചൂളയിലെ കലാകാരന്മാരെ തേടി വിവിധയിടങ്ങളില്‍ നിന്നായി പ്രശംസാപ്രവാഹമാണിപ്പോള്‍. കേവലമൊരു മൊബൈല്‍ ഫോണിന്റെ സഹായത്തോടെയാണ് ചെങ്കല്‍ച്ചൂളയിലെ കലാകാരന്മാര്‍ ഇത്തരത്തിലൊരു വിഡിയോ ഒരുക്കിയത്. പ്രകടനം മാത്രമല്ല, ചിത്രീകരണവും എഡിറ്റിങ്ങും ഉള്‍പ്പെടെ ചെയ്ത് ഞെട്ടിക്കാന്‍ ഇവര്‍ക്ക് സാധിച്ചു. ഇതിനു മുന്‍പും ഇവര്‍ ചെയ്ത വിഡിയോകള്‍ സമൂഹമാധ്യമങ്ങളില്‍ വ്യാപകമായി പ്രചരിച്ചിരുന്നു.
Discussion about this post