ആണ്‍കുഞ്ഞ് ജനിച്ച സന്തോഷം പങ്കുവച്ച് തനമിഴ് നടന്‍ ശിവകാര്‍ത്തികേയന്‍. ഹൃദയസ്പര്‍ശിയായ കുറിപ്പോടെയാണ് താരം സന്തോഷ വാര്‍ത്ത ആരാധകരുമായി പങ്കുവെച്ചത്. വര്‍ഷങ്ങള്‍ക്ക് മുമ്പ് മരണപ്പെട്ട തന്റെ അച്ഛന്റെ ഛായാചിത്രത്തിന് മുന്നില്‍ മകന്റെ കൈ പിടിച്ചിരിക്കുന്ന ചിത്രം പങ്കുവെച്ചാണ് താരത്തിന്റെ ഹൃദയം തൊടുന്ന കുറിപ്പ്.
’18 വര്‍ഷങ്ങള്‍ക്ക് ശേഷം എന്റെ അച്ഛന്‍ എന്റെ മകനായി എന്റെ വിരലുകള്‍ പിടിച്ചിരിക്കുന്നു. വര്‍ഷങ്ങളായുള്ള എന്റെ വേദനകള്‍ ഇല്ലാതാക്കാന്‍ എന്റെ ഭാര്യ ആരതി ധാരാളം വേദന സഹിച്ചു. കണ്ണുനീരിനാല്‍ അവളോട് നന്ദി പറയുന്നു,,’ ശിവകാര്‍ത്തികേയന്‍ ട്വിറ്ററില്‍ കുറിച്ചു.
18 வருடங்களுக்குப் பிறகு இன்று என் அப்பா என் விரல் பிடித்திருக்கிறார் என் மகனாக…என் பல வருட வலி போக்க தன் உயிர்வலி தாங்கிய என் மனைவி ஆர்த்திக்கு கண்ணீர்த்துளிகளால் நன்றி🙏 அம்மாவும் குழந்தையும் நலம்🙏👍❤️😊 pic.twitter.com/oETC9bh6dQ
— Sivakarthikeyan (@Siva_Kartikeyan) July 12, 2021
2010 ലാണ് ശിവകാര്‍ത്തികേയനും ആരതിയും വിവാഹിതരാകുന്നത്. ഇരുവര്‍ക്കും ആരാധന എന്ന മകള്‍ കൂടിയുണ്ട്. മൂന്നാം വയസില്‍ കനാ എന്ന ചിത്രത്തിലെ വായാടി പെത്ത പുള്ളെ എന്ന് തുടങ്ങുന്ന ഗാനം ആലപിച്ച് ആരാധന ശ്രദ്ധ നേടിയിരുന്നു. സിബി ചക്രവര്‍ത്തി സംവിധാനം ചെയ്യുന്ന ഡോണിലാണ് ശിവകാര്‍ത്തികേയന്‍ ഇപ്പോള്‍ അഭിനയിച്ചുകൊണ്ടിരിക്കുന്നത്.