ക്രൈം ത്രില്ലർ ദൃശ്യത്തിന് തമിഴിലും തെലുങ്കിലും ഹിന്ദിയിലും റിമേക്കുകൾ വന്നിരുന്നു. തമിഴിൽ പാപനാശം എന്ന പേരിലാണ് സിനിമ ജിത്തു ജോസഫ് സംവിധാനം ചെയ്തത്. ചിത്രത്തിൽ മോഹൻലാലിന്റെ കഥാപാത്രത്തെ അവതരിപ്പിച്ചത് കമൽഹാസനായിരുന്നു.
ദൃശ്യത്തിൽ നടി ഗൗതമിയാണ് കമൽഹാസന്റെ നായികയായി എത്തിയത്.മലയാളം ദൃശ്യം രണ്ടാം ഭാഗവും വലിയ വിജയമായതോടെ വിവിധ ഭാഷകളിൽ ചിത്രത്തിന് രണ്ടാം ഭാഗം വരികയാണ്. എന്നാൽ പാപനാശത്തിന്റെ രണ്ടാം ഭാഗത്തിൽ കമൽഹാസന്റെ ജോഡിയായി ഗൗതമി ഉണ്ടാകില്ലെന്നാണ് ഇപ്പോൾ പുറത്തുവരുന്ന റിപ്പോർട്ടുകൾ.
പകരം മലയാളം ദൃശ്യത്തിൽ നായികയായ തെന്നിന്ത്യൻ സുന്ദരി മീനയാകും പാപനാശം രണ്ടാംഭാഗത്തിൽ ഉലകനായകന്റെ ജോഡി. കമലുമായി ഗൗതമി വേർപിരിഞ്ഞ ശേഷം പരസ്പരം കാണാൻ പോലും ഇരുവർക്കും താത്പര്യമില്ല. അതിനാലാണ് മീന പാപനാശം രണ്ടാം ഭാഗത്തിന്റെ ഭാഗമാകുന്നത്.