സോഷ്യൽമീഡിയയിൽ കുറച്ച് ദിവസമായി തരംഗമാണ് ഈ കുഞ്ഞുമാലാഖയുടെ പ്രകടനം. മുഖത്തെ അമ്പരപ്പിക്കുന്ന നവരസങ്ങളിലൂടെയാണ് ഈ കുഞ്ഞ് അമ്പരപ്പിച്ചിരിക്കുന്നത്. മുഖത്ത് റൂഡ് ആറ്റിറ്റിയൂടും, മുഖത്ത് മിന്നിമറയുന്ന ഭാവപ്രകടനങ്ങളും, കണ്ണുകൾ കൊണ്ട് കഥപറയുന്ന അഭിനയമികവും ഇൻസ്റ്റന്റ് റിയാക്ഷനും ഒക്കെ കോർത്തിണക്കി കൊണ്ടാണ് ഈ കുട്ടി ഈ ഗാനത്തിന്റെ റീൽസ് അവതരിപ്പിച്ചത്.
സോഷ്യൽമീഡിയയെ പിടിച്ചുകുലുക്കിയ ഈ താരം ആരാണെന്ന് തേടി നടക്കുകയായിരുന്നു ആരാധകർ. ഇപ്പോഴിതാ ഈ കൊച്ചുമിടുക്കിയെ കണ്ടെത്തിയിരിക്കുകയാണ് മാധ്യമങ്ങൾ.
ഏയ്ഞ്ചൽ റിതി എന്നാണ് ഈ പൊന്നോമനയുടെ പേര്. ആളെ കണ്ടാൽ മലയാളിത്തമുണ്ടെങ്കിലും കക്ഷി അങ്ങ് പശ്ചിമബംഗാളിൽ നിന്നുള്ള കുഞ്ഞുതാരമാണ്. കൊൽക്കത്ത സ്വദേശിയാണ് യുകെജിയിൽ പഠിക്കുന്ന അഞ്ചു വയസ്സ് മാത്രം പ്രായമുള്ള ഈ സുന്ദരിക്കുട്ടി.
രവി മേഹ്തയുടെയും ജ്യോതി മെഹ്‌റയുടെയും ഏക മകളാണ് ഏയ്ഞ്ചൽ റിതി. അച്ഛൻ രവി മേഹ്ത ബിസിനെസ്സുകാരനും അമ്മ ജ്യോതി മെഹ്‌റ പോലീസ് കോൺസ്റ്റബിളും ആണ്.
വളരെ ചെറുപ്പത്തിലേ തന്നെ റിതി അഭിനയിക്കാനുള്ള തന്റെ കഴിവ് പ്രകടമാക്കിയിരുന്നു എന്ന് അമ്മ പറയുന്നു. അങ്ങനെ അവളുടെ കഴിവുകളെ പ്രോത്സാഹിപ്പിക്കാൻ ആണ് ടിക്‌ടോക്കിലും യൂട്യുബിലും ഒക്കെ മകളുടെ പേരിൽ അക്കൗണ്ട് തുടങ്ങുന്നതെന്നും ഇവർ പ്രതികരിച്ചു.
Discussion about this post