മകന്‍ പിറന്ന സന്തോഷം പങ്കുവെച്ച് നടന്‍ മണികണ്ഠന്‍ ആചാരി. ബാലനാടാ.. എന്ന ക്യാപ്ഷനോടെയാണ് കുഞ്ഞിനെ എടുത്തുനില്‍ക്കുന്ന അമ്മയ്ക്കും ബന്ധുക്കള്‍ക്കുമൊപ്പമുളള ചിത്രം താരം ഫേസ്ബുക്കില്‍ പങ്കുവെച്ചത്.
ബാലനാടാ എന്നതിനര്‍ത്ഥം കുഞ്ഞ് ‘ബാലന്‍’ ആണെന്നും കമന്റ് ബോക്‌സില്‍ മണികണ്ഠന്‍ എഴുതിയിട്ടുണ്ട്. ”നമസ്‌കാരം… എനിക്ക് കുഞ്ഞ് പിറന്നിരിക്കുന്നു ….ഞാന്‍ അഛനായ വിവരം സന്തോഷത്തോടെ , വിനയപൂര്‍വ്വം അറിയിക്കട്ടെ…. നിങ്ങളുടെ പ്രാര്‍ത്ഥനയില്‍ ഉള്‍പ്പെടുത്തിയതിന് നന്ദി പറയുന്നില്ല , നന്ദിയോടെ ജീവിക്കാം ….” എന്നാണ് മണികണ്ഠന്‍ ഫേസ്ബുക്കില്‍ കുറിക്കുന്നു.
‘കമ്മട്ടിപ്പാടം’ എന്ന ഒറ്റ ചിത്രത്തിലൂടെ മലയാളി പ്രേക്ഷകരുടെ പ്രിയങ്കരനായി മാറിയ താരമാണ് മണികണ്ഠന്‍ ആചാരി. ലോക്ക്ഡൗണിനിടെ ആയിരുന്നു താരത്തിന്റെയും മരട് സ്വദേശിയായ അഞ്ജലിയും തമ്മില്‍ വിവാഹിതരായത്. വിവാഹാഘോഷങ്ങള്‍ക്കായി മാറ്റി വച്ച തുകയില്‍ നിന്നും ഒരു ഭാഗം ഇരുവരും മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കുകയും ചെയ്തിരുന്നു.
Discussion about this post