തങ്ങളുടെ സ്വകാര്യ നിമിഷങ്ങള് അനുമതിയില്ലാതെ പകര്ത്തിയ ഫോട്ടോഗ്രാഫര്ക്കും ചിത്രം പ്രചരിപ്പിച്ച മാധ്യമങ്ങള്ക്കുമെതിരെ അതിരൂക്ഷവിമര്ശനവുമായി നടിയും ക്രിക്കറ്റ് താരം വിരാട് കോഹ്ലിയുടെ ഭാര്യയുമായി അനുഷ്ക ശര്മ്മ. ഇന്സ്റ്റഗ്രാം സ്റ്റോറിയിലൂടെയായിരുന്നു താരത്തിന്റെ വിമര്ശനം.
‘ഈ ഫോട്ടോഗ്രാഫറോടും പ്രസിദ്ധീകരണത്തോടും തങ്ങള് നിരവധി തവണ അഭ്യര്ത്ഥിച്ചിട്ടും അവര് ഇപ്പോഴും ഞങ്ങളുടെ സ്വകാര്യതയിലേക്ക് കടന്നുകയറുകയാണ്. ഇത് ഇപ്പോള് തന്നെ നിങ്ങള് അവസാനിപ്പിക്കണം’ അനുഷ്ക ഇന്സ്റ്റഗ്രാമില് കുറിച്ചു. ബുധനാഴ്ച വീടിന്റെ ബാല്ക്കണിയിലിരുന്ന് സംസാരിക്കുകയായിരുന്ന അനുഷ്കയുടേയും വിരാടിന്റേയും ചിത്രങ്ങളായിരുന്നു ഇവര് അറിയാതെ ഒരു ഫോട്ടോഗ്രാഫര് പകര്ത്തിയത്.
ഈ ചിത്രങ്ങളെല്ലാം നിമിഷങ്ങള്ക്കുള്ളില് തന്നെ സോഷ്യല്മീഡിയയില് വൈറലാവുകയും ചില മാധ്യമങ്ങള് പ്രസിദ്ധീകരിക്കുകയും ചെയ്തിരുന്നു. ഇതിന് പിന്നാലെയാണ് ഇതേ ചിത്രം പങ്കുവെച്ചുകൊണ്ട് രൂക്ഷവിമര്ശനവുമായി താരം രംഗത്തെത്തിയത്.
Discussion about this post