നടി ചിത്രയെ മലയാളി പ്രേക്ഷകര്‍ക്ക് പ്രിയമാണ്. ചുരുക്കം ചില വേഷങ്ങളില്‍ അഭിനയിച്ച താരം പ്രേക്ഷക മനസില്‍ ഇടംനേടാന്‍ അധിക കാലം എടുത്തില്ല. ആട്ടക്കലാശം, അദ്വൈതം, ഏകലവ്യന്‍, അമരം തുടങ്ങി ഒട്ടനവധി ചിത്രങ്ങളില്‍ വേഷമിട്ട് മലയാളത്തിലെ മുഖ്യധാരാ നായികമാര്‍ക്കൊപ്പം സ്ഥാനം നേടാന്‍ ചിത്രയ്ക്ക് സാധിച്ചിട്ടുണ്ട്. ഇപ്പോള്‍ പഴയകാല ഒര്‍മ്മ പങ്കിട്ട് രംഗത്തെത്തിയിരിക്കുകയാണ് താരം.
പ്രമുഖ മാധ്യമത്തിന് നല്‍കിയ അഭിമുഖത്തിലാണ് താരത്തിന്റെ ഓര്‍മ്മപുതുക്കല്‍. മമ്മൂട്ടിയുടെ ഹിറ്റ് ചിത്രം അമരം സിനിമയിലെ ചന്ദ്രിക എന്ന കഥാപാത്രമായി അഭിനയിച്ചപ്പോഴുള്ള അനുഭവത്തെക്കുറിച്ചാണ് നടി പറയുന്നത്. മീന്‍ കൈകൊണ്ട് തൊടാന്‍ അറപ്പുണ്ടായിരുന്ന തന്നെ അമരത്തിലെ കഥാപാത്രം ചെയ്യാനായി സംവിധായകന്‍ ഭരതന്‍ സ്വീകരിച്ച നടപടിയാണ് തുറന്ന് പറഞ്ഞിരിക്കുന്നത്.
ചിത്രയുടെ വാക്കുകള്‍;
‘മീനിന്റെ മണം തനിക്ക് തീരേ സഹിക്കാന്‍ പറ്റില്ലായിരുന്നു. മീന്‍ കൈകൊണ്ട് തൊടുമ്പോള്‍ അറപ്പ് കാണിച്ച എന്നെ രണ്ടു ദിവസം പ്രൊഡക്ഷന്‍ ഡ്യൂട്ടിയിലിട്ടു. അവിടെ കുത്തിയിരുന്ന് മീന്‍ വൃത്തിയാക്കാനും കറിവെയ്ക്കാനുമൊക്കെ പഠിക്കാന്‍ പറഞ്ഞു. മീനിന്റെ മണം മനം മടുപ്പിക്കാതിരുന്നാലേ കഥാപാത്രത്തെ ഉള്‍ക്കൊള്ളാന്‍ കഴിയുകയുള്ളൂ എന്നാണ് ഭരതേട്ടന്‍ പറഞ്ഞത്.
Discussion about this post