‘സാള്‍ട്ട് ആന്‍ഡ് പെപ്പറി’ലെ കാളിദാസനും കുക്ക് ബാബുവും വീണ്ടും ഒന്നിക്കുന്നു. ഇത്തവണ ‘ബ്ലാക്ക് കോഫി’യുമായാണ് ഇരുവരും എത്തിയിരിക്കുന്നത്. നടന്‍ ബാബുരാജ് തന്നെ തിരക്കഥയെഴുതി സംവിധാനം ചെയ്യുന്ന ചിത്രമാണ് ‘ബ്ലാക്ക് കോഫി’ . ഒമ്പത് വര്‍ഷങ്ങള്‍ക്ക് ശേഷമാണ് ഇരുവരും വീണ്ടും ഒന്നിച്ചെത്തുന്നത്.
കാളിദാസനായി ലാലും മായാ കൃഷ്ണനായി ശ്വേത മേനോനും കുക്ക് ബാബുവുമായി ബാബുരാജും വീണ്ടും ഈ ചിത്രത്തിലൂടെ തിരിച്ചെത്തുകയാണ്. ചിത്രത്തിന്റെ ടീസര്‍ ഇതിനോടകം സോഷ്യല്‍ മീഡിയയില്‍ വൈറലായി കഴിഞ്ഞു. നാല് പെണ്‍കുട്ടികള്‍ താമസിക്കുന്ന ഫ്ളാറ്റില്‍ കുക്ക് ബാബു എത്തുന്നതും അവിടെ നിന്നും കാളിദാസ് ബാബുവിനെ തിരിച്ചു കൊണ്ടു പോവുന്നതാണ് ടീസറിലുള്ളത്.
‘ഒരു പ്രേമം ഉണ്ടാക്കിയ കഥ’ എന്നാണ് ചിത്രത്തിന്റെ ടാഗ് ലൈന്‍. ആഷിഖ് അബു ഒരുക്കിയ സാള്‍ട്ട് ആന്‍ഡ് പെപ്പറിന്റെ ടാഗ് ലൈന്‍ ‘ഒരു ദോശ ഉണ്ടാക്കിയ കഥ’ എന്നായിരുന്നു. ചിത്രത്തില്‍ അതിഥി താരമായി ആഷിഖ് അബുവും എത്തുന്നുണ്ട്. ലെന, രചന നാരായണന്‍ കുട്ടി, ഓവിയ, മൈഥിലി, സിനില്‍ സൈനുദ്ദീന്‍, സണ്ണി വെയ്ന്‍, കോട്ടയം പ്രദീപ് എന്നിവരാണ് ചിത്രത്തിലെ മറ്റ് പ്രധാന താരങ്ങള്‍.
Discussion about this post