കൊച്ചി: കൊച്ചിയിലെ വീട്ടില്‍ നിന്നും 275 ദിവസത്തിനു ശേഷം പുറത്തിറങ്ങി മമ്മൂട്ടി. പഴയ ജീവിതത്തിലേക്ക് മടങ്ങാനും മാസങ്ങള്‍ക്ക് ശേഷം പുറത്തെ കാഴ്ചകാണാനും ഇറങ്ങിയ മമ്മൂക്കയ്‌ക്കൊപ്പം രമേഷ്പി ഷാരടി,ആന്റോജോസഫ്,പ്രൊഡക്ഷന്‍ കണ്‍ട്രോളര്‍ ബാദുഷ എന്നിവരുമുണ്ടായിരുന്നു.
കലൂര്‍ സ്റ്റേഡിയത്തിനു മുന്നിലെ കടയില്‍ നിന്ന് മധുരമില്ലാത്തൊരു ചൂട് കട്ടന്‍ചായ കുടിച്ചായിരുന്നു യാത്ര. തിരക്കുകള്‍ ഒഴിഞ്ഞ മറൈന്‍ ഡ്രൈവിലേയ്ക്കായിരുന്നു മമ്മൂട്ടിയും കൂട്ടരും പോയത്. തന്റെ സ്വന്തം പോളോ ജിടിയുടെ കാറിലാണ് മമ്മൂട്ടി യാത്ര ചെയ്തത്.
മമ്മൂട്ടി പുറത്തിറങ്ങിയപ്പോള്‍ കോറോണയ്ക്കുള്ള വാക്‌സിന്‍ കണ്ടുപ്പിടിച്ചോ എന്നായിരുന്നു എല്ലാവരുടെയും ചോദ്യം. എന്നാല്‍ മമ്മൂട്ടി മറുപടി ചിരിയില്‍ ഒതുക്കി. പ്രീസ്റ്റ് സിനിമയുടെ ചിത്രീകരണത്തിനിടെയായിരുന്നു കൊറോണ വ്യാപിച്ചത്. ലോക്കഡോണിനെ തുടര്‍ന്ന് വായനയും സിനിമ കാണലുമായി മമ്മൂട്ടി വീട്ടില്‍ ഒതുങ്ങി.
നല്ലൊരു ഫോട്ടോഗ്രാഫര്‍ കൂടിയായ അദ്ദേഹം വീടിനു ചുറ്റും നടന്നു പക്ഷികളുടെയും സസ്യങ്ങളുടെയും ഫോട്ടോയും എടുത്തു. ഇതിനിടെ പലരും പല ചടങ്ങുകള്‍ക്കായി വിളിച്ചു. എന്നാല്‍ ഒരു ചടങ്ങുകള്‍ക്കും പോകാതെ വീട്ടില്‍ തന്നെയിരുന്നു.