മഹേഷ് നാരായണനും ഫഹദ് ഫാസിലും വീണ്ടും ഒന്നിക്കുന്നുവെന്ന് റിപ്പോര്‍ട്ട്. ഇരുവരും ഒന്നിച്ച ‘സീ യു സൂണ്‍’ എന്ന ചിത്രത്തിന് മികച്ച സ്വീകരണമാണ് പ്രേക്ഷകര്‍ നല്‍കിയത്.
നവാഗതനായ സജിമോന്‍ സംവിധാനം ചെയ്യുന്ന ചിത്രത്തിന് മഹേഷ് നാരായണനാണ് തിരക്കഥ ഒരുക്കുന്നതെന്നാണ് റിപ്പോര്‍ട്ട്. നേരത്തേ ഈ ചിത്രത്തിന് റാഫി തിരക്കഥയൊരുക്കുമെന്ന് അഭ്യൂഹങ്ങളുണ്ടായിരുന്നു.
വികെ പ്രകാശ്, മഹേഷ് നാരായണന്‍, വേണു എന്നിവരുടെ അസോസിയേറ്റ് ഡയറക്ടറായി പ്രവര്‍ത്തിച്ചിട്ടുള്ളയാളാണ് സജിമോന്‍. അടുത്ത വര്‍ഷം തുടക്കത്തോടെ ഈ സിനിമയുടെ ഷൂട്ടിംഗ് ആരംഭിക്കുമെന്നാണ് റിപ്പോര്‍ട്ട്. മഹേഷ് നാരായണനും ഫഹദും ഒന്നിക്കുന്ന ‘മാലിക്’ റിലീസിന് തയ്യാറെടുക്കുകയാണ്.
Discussion about this post