‘ചില വാര്‍ത്തകള്‍ പ്രകാരം ഞാനിന്ന് മരിച്ചു…ദൈവാനുഗ്രഹം കൊണ്ട് ഞാന്‍ ആരോഗ്യത്തോടെയിരിക്കുന്നു. ഇനിയും ഏറെ നാള്‍ ജീവിക്കാനുണ്ട്’ പ്രചരിക്കുന്ന വ്യാജ വാര്‍ത്തയില്‍ നടി മിഷ്ടി ചക്രബര്‍ത്തിയുടെ പ്രതികരണമാണിത്. വൃക്ക തകരാറിലായതിനെ തുടര്‍ന്ന് ബംഗാളി നടി മിഷ്തി മുഖര്‍ജി മരിച്ചത് വാര്‍ത്തയായിരുന്നു. എന്നാല്‍ മരിച്ചത് നടി മിഷ്ടി ചക്രബര്‍ത്തിയാണെന്നായിരുന്നു ചില മാധ്യമങ്ങള്‍ വാര്‍ത്ത നല്‍കിയത്.
ഇതിനു പിന്നാലെയാണ് പ്രതികരണവുമായി താരം രംഗത്തെത്തിയത്. പൃഥ്വിരാജ് ചിത്രം ആദം ജോണിലൂടെ മലയാളികള്‍ക്ക് സുപരിചിതമായ താരമാണ് മിഷ്ടി ചക്രവര്‍ത്തി. ചിത്രത്തില്‍ പൃഥ്വിരാജിന്റെ നായികാ വേഷമായിരുന്നു മിഷ്ടിക്ക്.