മലയാള സിനിമയില്‍ സംഘട്ടനരംഗങ്ങള്‍ക്ക് ഒരു പുതിയ മാനം നല്‍കിയ നടനാണ് ബാബു ആന്റണി. ഭരതന്‍ സംവിധാനം ചെയ്ത ചിലമ്പ് എന്ന ചിത്രത്തിലൂടെയാണ് ബാബു ആന്റണി സിനിമയില്‍ അരങ്ങേറ്റം കുറിച്ചത്. ആക്ഷന്‍ രംഗങ്ങളില്‍ ബാബു ആന്റണിയോളം മലയാളിയെ ആവേശം കൊള്ളിച്ച മറ്റൊരു താരമില്ല എന്ന് തന്നെ പറയാം. ഇപ്പോഴിതാ ബാബു ആന്റണി ഫേസ്ബുക്കില്‍ പങ്കുവെച്ച ഒരു ചിത്രമാണ് ഇപ്പോള്‍ വൈറലായിരിക്കുന്നത്.
താടിയും മുടിയും നീട്ടി പുതിയ ലുക്കിലുള്ള സെല്‍ഫിയാണ് താരം പങ്കുവെച്ചിരിക്കുന്നത്. സാധാരണ വിഗ് വെച്ചാണ് ബാബു ആന്റണി വരാറുള്ളത്. ഇത് വിഗ്ഗില്ലാതെയാണ് സെല്‍ഫി എടുത്തിരിക്കുന്നത്. ഇതാണ് യഥാര്‍ത്ഥ ഞാന്‍ എന്ന് ക്യാപ്ഷന്‍ എഴുതിയിട്ടുള്ള ഫോട്ടോയ്ക്ക് ഒട്ടേറെ ആരാധകരാണ് കമന്റുകളുമായി രംഗത്ത് എത്തിയിരിക്കുന്നത്.
ഒമര്‍ലുലു സംവിധാനം ചെയ്യുന്ന ‘പവര്‍സ്റ്റാര്‍’ എന്ന ചിത്രത്തിലൂടെ മലയാളത്തിലേക്ക് ഒരു ഗംഭീര തിരിച്ചുവരവിന് തയ്യാറെടുക്കുകയാണ് താരം. ബാബു ആന്റണിക്കൊപ്പം ബാബുരാജ്, റിയാസ് ഖാന്‍, അബു സലിം തുടങ്ങിയവരും ചിത്രത്തില്‍ കഥാപാത്രങ്ങളെ അവതരിപ്പിക്കും.
Discussion about this post