മലയാളികളുടെ പ്രിയനടിമാരില്‍ ഒരാളാണ് ഭാവന. അതുകൊണ്ടുതന്നെ സമൂഹമാധ്യമങ്ങളില്‍ ഭാവന പങ്കുവെക്കാറുള്ള ചിത്രങ്ങളും മറ്റും ആരാധകര്‍ ഇരുകൈയ്യും നീട്ടി സ്വീകരിക്കാറുണ്ട്. എന്നാല്‍ ഇപ്പോള്‍ സമൂഹമാധ്യമങ്ങളില്‍ ഒന്നടങ്കം ചര്‍ച്ചയായി മാറിയിരിക്കുകയാണ് ഭാവനയുടെ ഇന്‍സ്റ്റഗ്രാം പോസ്റ്റ്.
‘മറ്റൊരാള്‍ക്ക് നിങ്ങള്‍ വരുത്തിയ നാശത്തിന്റെ പ്രത്യാഘാതം എന്തെന്നത്, അത് നിങ്ങള്‍ക്കും സംഭവിക്കുന്നത് വരെ ഒരിക്കലും മനസിലാകില്ല. അതിനാലാണ് ഞാനിവിടെ ഉള്ളത് -കര്‍മ.’- എന്നാണ് ഭാവന തന്റെ ഇന്‍സ്റ്റഗ്രാം അക്കൗണ്ടില്‍ കുറിച്ചത്.
ഈ പോസ്റ്റിട്ടതിന് പിന്നാലെ ഭാവനയുടെ അടുത്ത സുഹൃത്തുക്കളായ ഗായിക സയനോരയും നടി മൃദുലയും താരത്തിന് പിന്തുണ അറിയിച്ച് എത്തിയിട്ടുണ്ട്. ശ്രീകൃഷ്ണ അറ്റ് ജിമെയില്‍ ഡോട്ട് കോം എന്ന കന്നഡ ചിത്രത്തിലാണ് ഭാവന ഇപ്പോള്‍ അഭിനയിച്ചുകൊണ്ടിരിക്കുന്നത്.
റെഡ് വൈന്‍, മംഗ്ലീഷ് എന്നീ സിനിമകളൊരുക്കിയ സലാം ബാപ്പുവിന്റേതാണ് തിരക്കഥ. സൂപ്പര്‍ഹിറ്റ് തമിഴ് ചിത്രം 96ന്റെ കന്നഡ റീമേയ്ക്ക് ആയ 99 ആണ് ഭാവനയുടേതായി ഒടുവില്‍ പുറത്തിറങ്ങിയ ചിത്രം.