മോഹന്‍ലാലുമായുള്ള പഴയകാല ചിത്രം പങ്കുവെച്ച് നടി വിദ്യ ബാലന്‍. ഇന്‍സ്റ്റഗ്രാം സ്‌റ്റോറിയിലൂടെയാണ് താരം പഴയകാല ചിത്രം പങ്കുവെച്ചത്. ചക്രം സിനിമയില്‍ നിന്നുള്ള ലൊക്കേഷന്‍ ചിത്രമാണ് താരം പങ്കുവെച്ചിരിക്കുന്നത്.
‘2000 … എന്റെ ആദ്യ മലയാളം ചിത്രമായ ചക്രം. മോഹന്‍ലാലിനൊപ്പം എടുത്ത ചിത്രം! ആദ്യ ഷെഡ്യൂളിന് ശേഷം ഈ ചിത്രം ഉപേക്ഷിക്കപ്പെട്ടു … ചിത്രം ഞാന്‍ വിചാരിച്ചത്ര മോശമെന്ന് തോന്നുന്നില്ല,’ വിദ്യാ ബാലന്‍ കുറിച്ചു.
കമല്‍ സംവിധാനം ചെയ്യാനിരുന്ന ചക്രത്തില്‍ മോഹന്‍ലാലിനൊപ്പം ദിലീപ് ആയിരുന്നു മറ്റൊരു പ്രധാനകഥാപാത്രത്തെ അവതരിപ്പിച്ചത്. എന്നാല്‍ ചിത്രം പാതി വഴിയില്‍ മുടങ്ങി. തുടര്‍ന്ന് വിദ്യ ബോളിവുഡില്‍ എത്തി. അവിടെ വിജയനായികയായി മാറി.
ചക്രം എന്ന ചിത്രം പിന്നീട് ലോഹിതദാസ് പൃഥ്വിരാജിനെയും മീര ജാസ്മിനെയും കേന്ദ്ര കഥാപാത്രങ്ങളാക്കി സംവിധാനം ചെയ്യുകയായിരുന്നു. ശകുന്തള ദേവിയാണ് വിദ്യ അവസാനമായി അഭിനയിച്ച ചിത്രം.
Discussion about this post