അജു വര്‍ഗീസിന്റെ ഏറ്റവും പുതിയ ചിത്രമായ ‘സാജന്‍ ബേക്കറി സിന്‍സ് 1962’ എന്ന ചിത്രത്തിലെ ആദ്യഗാനം പുറത്തുവിട്ടു. ‘വണ്‍സ് അപോണ്‍ എ ടൈം ഇന്‍ റാന്നി’ എന്ന ഗാനമാണ് പുറത്തുവിട്ടത്. വിനായക് ശശികുമാറിന്റെ വരികള്‍ക്ക് ഈണം പകര്‍ന്നിരിക്കുന്നത് പ്രശാന്ത് പിള്ളയാണ്. ജയിംസ് തകരയാണ് ഈ ഗാനം ആലപിച്ചിരിക്കുന്നത്.
ബേക്കറി വില്‍പനക്കാരായി ലെന, ഗണേഷ്‌കുമാര്‍, അജു വര്‍ഗീസ് എന്നിവര്‍ അഭിനയിക്കുന്ന ചിത്രമാണിത്. പത്തനംതിട്ടയിലെ റാന്നിയിലെ ഒരു ജംഗ്ഷനില്‍ ബേക്കറി നടത്തുന്നവരായാണ് മൂവരും ചിത്രത്തില്‍ എത്തുന്നത്. ഗ്രേസ് ആന്റണി, ജാഫര്‍ ഇടുക്കി,രമേശ് പിഷാരടി, ജയന്‍ ചേര്‍ത്തല, സുന്ദര്‍ റാം എന്നി പ്രമുഖ താരങ്ങള്‍ക്കൊപ്പം ഒട്ടേറേ പുതുമുഖങ്ങളും ഈ ചിത്രത്തില്‍ അഭിനയിക്കുന്നുണ്ട്.
നവാഗതനായ അരുണ്‍ ചന്തു ആണ് സംവിധാനം. അരുണിനൊപ്പം സച്ചിന്‍ ആര്‍ ചന്ദ്രന്‍, അജു വര്‍ഗീസ് എന്നിവര്‍ ചേര്‍ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഫന്റാസ്റ്റിക് ഫിലിംസിന്റെ ബാനറില്‍ ധ്യാന്‍ ശ്രീനിവാസനും വിശാഖ് സുബ്രഹ്മണ്യവും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.
