ഗായിക എന്നതിന് പുറമെ അവതാരകയായും നടിയായും പ്രേക്ഷകരുടെ ഹൃദയത്തില്‍ ചേക്കേറിയ താരമാണ് റിമി ടോമി. സോഷ്യല്‍മീഡിയയില്‍ സജീവമായ റിമിയുടെ പോസ്റ്റുകള്‍ ഓണ്‍ലൈനില്‍ വൈറലാവാറുണ്ട്. ഇപ്പോഴിതാ കിടിലനൊരു കവര്‍ സോങ്ങുമായി എത്തിയിരിക്കുകയാണ് താരം.
ദീലിപും നവ്യാനായരും നായികാ നായകന്മാരായി എത്തിയ പട്ടണത്തില്‍ സുന്ദരന്‍ എന്ന ചിത്രത്തിലെ ‘കണ്ണനായാല്‍ രാധ വേണം’ എന്ന ഗാനത്തിന്റെ കവര്‍ സോങ്ങുമായാണ് റിമി എത്തിയിരിക്കുന്നത്. ആരാധകര്‍ക്കുള്ള തന്റെ ഓണസമ്മാനമാണെന്ന് പറഞ്ഞാണ് റിമി ഈ വീഡിയോ പങ്കുവെച്ചിരിക്കുന്നത്.
ലോക്ക്ഡൗണ്‍ കാലത്ത് റിമി തുടങ്ങിയ യൂട്യൂൂബ് ചാനലിലൂടെയാണ് കവര്‍ സോങ് റിമി പങ്കുവെച്ചിരിക്കുന്നത്. ഗാനത്തില്‍ റിമിക്കൊപ്പം നിരവധി ചിത്രങ്ങളിലൂടെ മലയാളിക്ക് സുപരിചിതനായ മുന്നയും എത്തുന്നുണ്ട്. എന്തായാലും സോഷ്യല്‍ മീഡിയയില്‍ വൈറലായിരിക്കുകയാണ് ഈ കവര്‍സോങ്ങ്.
