‘കര്‍ണന്‍ നെപ്പോളിയന്‍ ഭഗത് സിംഗ്’ എന്ന ചിത്രത്തിലെ ആദ്യ ലിറിക് വീഡിയോ പുറത്തുവിട്ടു. ‘കാതോര്‍ത്തു കാതോര്‍ത്തു ഞാനിരിക്കേ’ എന്ന മനോഹര ഗാനത്തിന്റെ ലിറിക്കല്‍ വീഡിയോ ആണ് ഇപ്പോള്‍ പുറത്തുവിട്ടത്. ഉണ്ണി മേനോനാണ് ഈ മനോഹര ഗാനം ആലപിച്ചിരിക്കുന്നത്. ഒരിടവേളയ്ക്കുശേഷം ഉണ്ണി മേനോന്‍ മലയാളത്തില്‍ പാടുന്നു എന്ന പ്രത്യേകത കൂടിയുണ്ട് ഈ ഗാനത്തിന്.
ബികെ ഹരിനാരായണന്റെ വരികള്‍ക്ക് രഞ്ജിന്‍രാജ് ആണ് സംഗീതം ഒരുക്കിയിരിക്കുന്നത്. ഈ ചിത്രത്തില്‍ ആകെ അഞ്ചു പാട്ടുകളാണുള്ളത്. റഫീഖ് അഹമ്മദും അജീഷ് ദാസനും ശരത് ജി മോഹനും ചിത്രത്തിനായി വരികളെഴുതിയിട്ടുണ്ട്.
ധീരജ് ഡെന്നിയും ആദ്യാ പ്രസാദുമാണ് ചിത്രത്തില്‍ മുഖ്യവേഷത്തിലെത്തുന്നത്. ഫസ്റ്റ് പേജ് എന്റെര്‍റ്റൈന്മെന്റിന്റെ ബാനറില്‍ മോനു പഴേടത്ത് ആണ് ചിത്രം നിര്‍മ്മിച്ചിരിക്കുന്നത്.
Discussion about this post