സിനിമാശാലയിലെ ഇരുണ്ട വെളിച്ചത്തില്‍ വെയില്‍ എന്നെഴുതി കാണാനായി കാത്തിരിക്കുന്നുവെന്ന് നിര്‍മ്മാതാവ് ജോബി ജോര്‍ജ്. ഷെയ്ന്‍ നായകനായി എത്തുന്ന ഏറ്റവും പുതിയ ചിത്രമാണ് ‘വെയില്‍’. ചിത്രത്തിന്റെ ട്രെയിലര്‍ ഇന്നാണ് പുറത്തുവിട്ടത്. ഗുഡ്വില്‍
എന്റര്‍ടെയ്ന്‍മെന്റ്സിന്റെ ബാനറില്‍ ജോബി ജോര്‍ജ് ആണ് ചിത്രം നിര്‍മ്മിച്ചിരിക്കുന്നത്. ചിത്രത്തിന്റെ രചനയും സംവിധാനവും നവാഗതനായ ശരത്ത് ആണ്. നടന്‍ ഷൈന്‍ ടോം ചാക്കോയാണ് ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്.
ചിത്രം തീയ്യേറ്ററില്‍ തന്നെ പ്രദര്‍ശനത്തിന് എത്തുമെന്നാണ് നിര്‍മ്മാതാവ് നല്‍കുന്ന സൂചന. എന്നാല്‍ നിലവിലെ സാഹചര്യം മാറുന്നില്ലെങ്കില്‍ നമ്മള്‍ മാറി ചിന്തിച്ചേക്കാം എന്ന് ജോബി ജോര്‍ജ് ഫേസ്ബുക്കില്‍ കുറിപ്പില്‍ കൂട്ടിച്ചേര്‍ത്തു.
ജോബി ജോര്‍ജിന്റെ ഫേസ്ബുക്ക് പോസ്റ്റിന്റെ പൂര്‍ണ്ണരൂപം,
ചിങ്ങം 1, മലയാളനാടിന്റെ പുതുവര്‍ഷം.എല്ലാവര്‍ക്കും ഇനിയുള്ള ഒരു വര്‍ഷം നന്മകള്‍ ഉണ്ടാകട്ടെ എന്ന് പ്രാര്‍ത്ഥിക്കുന്നു. ഇതോടൊപ്പം നമ്മുടെ വെയില്‍ എന്ന സിനിമയുടെ ട്രൈലെര്‍ ലിങ്ക് ഉണ്ട്. കാണുക, ഷെയര്‍ ചെയ്യുക, ഈ സിനിമയുടെ അണിയറയില്‍ ഉള്ള ഒരാള്‍ പറഞ്ഞു. ജോബിച്ചേട്ടന്‍ എന്താണിതിനു വേണ്ടി കഷ്ടപ്പെട്ടതെന്ന്? ഞാന്‍ എന്താ അവനോടു പറയേണ്ടത്?കഴിഞ്ഞ വര്‍ഷം കേട്ട വിഡ്ഢിത്തരങ്ങളില്‍ ഒന്നായി കരുതി തള്ളി കളയുന്നു.കഴിഞ്ഞ ഒന്നരക്കൊല്ലം ഇതിനായി ചിലവഴിച്ച സമയം, പണം, അതിലുപരി മാനസിക സംഘര്‍ഷങ്ങള്‍.കൂടുതലൊന്നും പറയാനില്ല.
സിനിമാശാലയിലെ ഇരുണ്ട വെളിച്ചത്തില്‍ വെയില്‍ എന്നെഴുതി കാണണം എന്നാണ് ആഗ്രഹം അതിനായി കാത്തിരിക്കുന്നു. എന്നാല്‍ നിലവിലെ സാഹചര്യം മാറുന്നില്ല എങ്കില്‍. നമ്മള്‍ മാറി ചിന്തിച്ചേക്കാം. കാരണം, പണം ലക്ഷ്മി ദേവി ആണ്.എന്ന്. പുരാണം പറയുന്നു, ബൈബിള്‍ പറയുന്നു. പിശുക്കും, ധുര്‍ത്തും ഒരു പോലെ തിന്മകള്‍ ആണ് എന്ന്. അപ്പോള്‍ ഇതിനു മുടക്കിയ മുതല്‍മുടക്കിനെ ബഹുമാനിക്കണം നിലവില്‍ മലയാള സിനിമയിലെ ആരോട് പറഞ്ഞാലും അവര്‍ ഇത് ഷെയര്‍ ചെയ്ത് സഹായിക്കും എന്നെനിക് ഉറപ്പാണ്. അപ്പോഴും കാണേണ്ടത് നിങ്ങള്‍ പ്രേക്ഷകര്‍ തന്നെയാണ്.അപ്പോള്‍ എന്തിനാണ് ഒരു വളഞ്ഞ വഴി? ഞാന്‍ നേരിട്ട് നിങ്ങള്‍ക്ക് സമര്‍പ്പിക്കുന്നു. നിങ്ങള്‍ ഓരോരുത്തരും സ്നേഹത്തോടെ എന്നെ ഓര്‍ത്താല്‍ മതി.. നമ്മള്‍ക്ക് ജയിച്ചേ പറ്റു. സ്നേഹത്തോടെ എല്ലാവര്‍ക്കും പുതുവത്സരാശംസകള്‍.
Discussion about this post