കീര്‍ത്തി സുരേഷ് നായികയായി എത്തുന്ന ഏറ്റവും പുതിയ ചിത്രമായ ‘ഗുഡ് ലക്ക് സഖി’യുടെ ടീസര്‍ പുറത്തുവിട്ടു. ചിത്രത്തില്‍ ഷാര്‍പ്പ് ഷൂട്ടറുടെ വേഷത്തിലാണ് കീര്‍ത്തി സുരേഷ് എത്തുന്നത്.
ദേശീയ അവാര്‍ഡ് ജേതാവായ സംവിധായകന്‍ നാഗേഷ് കുക്കുനൂര്‍ ആണ് ചിത്രം ഒരുക്കിയിരിക്കുന്നത്. ആദി പിനിസെട്ടി, ജഗപതി ബാബു, രാഹുല്‍ രാമകൃഷ്ണ എന്നിവരാണ് ചിത്രത്തിലെ മറ്റ് പ്രധാന താരങ്ങള്‍.
ഭാഗ്യമില്ലാത്ത ഗ്രാമീണ പെണ്‍കുട്ടിയായി മുദ്ര കുത്തപ്പെടുന്ന സഖി ഷൂട്ടിംഗ് കോച്ചായ ജഗപതി ബാബുവിനെ കണ്ടതോടെ ഷൂട്ടര്‍ ആകാന്‍ പരിശീലിക്കുന്നതാണ് ചിത്രത്തിന്റെ ഇതിവൃത്തം. തമിഴ്, തെലുങ്ക്, മലയാളം എന്നിങ്ങനെ മൂന്ന് ഭാഷകളിലായിട്ടാണ് ചിത്രം റിലീസ് ചെയ്യുക. ഒടിടി റിലീസ് ആയിരിക്കും ഈ ചിത്രമെന്നാണ് റിപ്പോര്‍ട്ട്. പെന്‍ഗ്വിന്‍ ആണ് കീര്‍ത്തിയുടെ ഏറ്റവും ഒടുവില്‍ പുറത്തിറങ്ങിയ ചിത്രം.
Discussion about this post