തിരുവനന്തപുരത്തെ ട്രിപ്പിൾ ലോക്ക്ഡൗണിനെ സംബന്ധിച്ച് തെറ്റിദ്ധാരണ പരത്തുകയും സോഷ്യൽമീഡിയ ആക്രമണം നേരിടുകയും ചെയ്ത നടി അഹാന കൃഷ്ണ വീണ്ടും വിവാദത്തിൽ. കഴിഞ്ഞ ദിവസം പുറത്തുവന്ന ദുൽഖർ സൽമാൻ നായകനായ കുറുപ്പ് സിനിമയുടെ പ്രമോ വീഡിയോക്കുറിച്ച് മോശം കമന്റ് സോഷ്യൽമീഡിയയിൽ പോസ്റ്റ് ചെയ്താണ് നടി പുലിവാല് പിടിച്ചിരിക്കുന്നത്.
ദുൽഖർ സൽമാന്റെ പിറന്നാൾ ദിനമായ ഇന്നലെയാണ് കുറുപ്പ് സിനിമയുടെ പ്രമോ വീഡിയോ റിലീസ് ചെയ്തത്. സമൂഹമാധ്യമത്തിലിട്ട വീഡിയോയുടെ താഴെ ‘നല്ല വീഡിയോ പക്ഷേ മോശം തമ്പ്‌നെയിൽ, നിങ്ങളെന്നു പഠിക്കും ?’ എന്നാണ് അഹാന പറഞ്ഞത്. തൊട്ടു താഴെ കുറുപ്പിന്റെ ഒഫീഷ്യൽ അക്കൗണ്ട് എന്ന അവകാശപ്പെടുന്ന പേജിൽ നിന്ന് ‘അതിന് നീയേതാ ?’ എന്നാണ് ഈ കമന്റിന് മറുപടി വന്നത്. പിന്നാലെ അഹാന കമന്റ് ഡിലീറ്റ് ചെയ്യുകയും ചെയ്തു.
പക്ഷെ, ഇതിനോടകം ഈ കമന്റിന്റെ സ്‌ക്രീൻഷോട്ട് വൈറലായിരുന്നു. അഹാനയുടെ കമന്റ് കാണാനായി മാത്രം ആളുകൾ പേജിലേക്ക് എത്തിത്തുടങ്ങി. കമന്റ് കാണാതായതോടെ സിനിമയുടെ വീഡിയോയുടെ താഴെ അതു സംബന്ധിച്ചായി ചർച്ച ഉയരുകയും ചെയ്തു.
Discussion about this post