ബി ഗ്രേഡ് നടിമാരെന്ന് വിളിച്ച് പരിഹസിച്ച കങ്കണയ്ക്ക് മറുപടിയുമായി താപ്സിയും സ്വര ഭാസ്കറും. ‘പത്ത്, പ്ലസ്ടു റിസള്ട്ടിന് പിന്നാലെ ഞങ്ങളുടെ ഗ്രേഡ് കിട്ടിയെന്ന് അറിഞ്ഞു. ഔദ്യോഗികമായി ഗ്രേഡ് സിസ്റ്റം പിന്തുടരാന് തുടങ്ങിയോ? ഇതുവരെ നമ്പര് സിസ്റ്റം അല്ലേ പിന്തുടര്ന്നിരുന്നത്’ എന്നാണ് താപ്സി ട്വീറ്ററില് കുറിച്ചത്. കങ്കണയെ പേരെടുത്ത് പറയാതെ ‘എന്റെ ജീവിതം എന്റെ നിയമങ്ങള്’ എന്ന ഹാഷ്ടാഗോടെയാണ് താപ്സി ട്വീറ്റ് ചെയ്തിരിക്കുന്നത്.
അതേസമയം ‘സ്വാര്ഥരായവര്, പുറമേയുള്ളവര്, ബി ഗ്രേഡ് നടിമാര്. പക്ഷേ ആലിയയെക്കാളും അനന്യയെക്കാളും സൗന്ദര്യമുള്ളവര്, ഞാനിത് ഒരു അഭിനന്ദനമാണെന്നാണ് കരുതുന്നത്. നന്ദി കങ്കണ. നിങ്ങള് സുന്ദരിയും ഉദാരമനസ്കയും നല്ലൊരു അഭിനേത്രയുമാണെന്ന് ഞാന് കരുതുന്നു..തിളങ്ങി കൊണ്ടേയിരിക്കൂ’ എന്നാണ് സ്വര ഭാസ്കര് കുറിച്ചത്.
ബോളിവുഡിലെ സ്വജനപക്ഷപാതം സംബന്ധിച്ച ചര്ച്ചയിലാണ് കങ്കണ ഇരുവരെയും ബി ഗ്രേഡ് നടിമാരെന്ന് വിളിച്ചത്. ‘സിനിമയ്ക്ക് പുറത്തു നിന്ന് വന്ന എന്നാല് ഇപ്പോള് അതിനകത്തു നില്ക്കുന്ന സ്വാര്ത്ഥരായ ബി ഗ്രേഡ് നടിമാരായ താപ്സി പന്നുവും സ്വര ഭാസ്കറും പറഞ്ഞേക്കാം അവര് ബോളിവുഡിനെ സ്നേഹിക്കുന്നുവെന്ന്. എന്നാല് എനിക്ക് അവരോട് ഇത്രയേ പറയാനുള്ളൂ. നിങ്ങള് ബോളിവുഡിനെ സ്നേഹിക്കുന്നുവെങ്കില്, കരണ് ജോഹറിനെ സ്നേഹിക്കുന്നുവെങ്കില് എന്തുകൊണ്ടാണ് നിങ്ങള് ഇപ്പോഴും ബി ഗ്രേഡ് നടിമാരായി തുടരുന്നത്. ആലിയയെക്കാളും അനന്യയെക്കാളും സുന്ദരിമാരും അവരെക്കാള് മികച്ച നടികളുമാണ്. എന്നിട്ടും എന്തുകൊണ്ട് നിങ്ങള്ക്ക് സിനിമകള് ലഭിക്കുന്നില്ല. നിങ്ങളുടെ നിലനില്പ്പ് തന്നെ സ്വജനപക്ഷപാതത്തിന്റെ തെളിവാണ്’ എന്നാണ് കങ്കണ പറഞ്ഞത്.
Maine suna class 12th n 10th ke result ke baad humaara result bhi aa gaya hai! Humaara grade system ab official hai ? Abhi tak toh number system pe value decide hoti thi na 🤔 #MaLifeMaRulesMaShitMaPot
— taapsee pannu (@taapsee) July 19, 2020
Discussion about this post