ബാലതാരമായി സിനിമയിലെത്തി ഏവരുടെയും മനംകവര്‍ന്ന താരമായിരുന്നു ബേബി നയന്‍താര. കുട്ടിത്തം തുളുമ്പുന്ന ആ കുഞ്ഞുമുഖം ഇന്നും മലയാളികളുടെ മനസ്സിലുണ്ട്. കിലുക്കം കിലുകിലുക്കമായിരുന്നു ബേബി നയന്‍താരയുടെ ആദ്യ സിനിമ. 2006 ലായിരുന്നു ഈ ചിത്രം പുറത്തിറങ്ങിയത്.
ഇതിന് പിന്നാലെ നിരവധി മലയാളം തമിഴ് സിനിമകളില്‍ നയന്‍താര ബാലതാരമായി എത്തി. എന്നാല്‍ വലുതായപ്പോള്‍ സിനിമയില്‍ നിന്നും താരം ചെറിയൊരു ബ്രേക്കെടുത്തു. എങ്കിലും ഫോട്ടോകളും വിശേഷങ്ങളും പങ്കുവെച്ച് സോഷ്യല്‍മീഡിയയില്‍ സജീവമായിരുന്നു താരം.
വലുതായെങ്കിലും നയന്‍താര ചക്രവര്‍ത്തിയോട് വാത്സല്യം തന്നെയാണ് ഇന്നും മലയാളികള്‍ക്ക്. ഇപ്പോഴിതാ സിനിമാ അഭിനയവും ഫോട്ടോഷൂട്ടും ഒന്നും തന്റെ പഠനത്തിന് ഒരു തടസ്സവുമുണ്ടാക്കിയില്ലെന്ന് തെളിയിച്ചിരിക്കുകയാണ് ഈ കൊച്ചുമിടുക്കി.
കഴിഞ്ഞദിവസം പ്രഖ്യാപിച്ച പ്ലസ്ടു പരീക്ഷയില്‍ ഉയര്‍ന്ന മാര്‍ക്ക് നേടി തിളക്കമാര്‍ന്ന വിജയം കൈവരിച്ചിരിക്കുകയാണ് നയന്‍താര. 94.2 ശതമാനം മാര്‍ക്കോടെയാണ് നയന്‍താര തന്റെ പ്ലസ്ടു പൂര്‍ത്തിയാക്കിയിരിക്കുന്നത്. തൃപ്പൂണിത്തുറ ചോയ്‌സ് സ്‌കൂളിലെ വിദ്യാര്‍ത്ഥിനിയാണ് നയന്‍താര.
കൊമേഴ്‌സ് ആയിരുന്നു നയന്‍താരയുടെ പഠനവിഷയം. പ്ലസ്ടു പരീക്ഷയില്‍ നയന്‍താര ചക്രവര്‍ത്തി ഫുള്‍ എപ്ലസ് നേടിയതിന്റെ സന്തോഷത്തിലാണ് ഇപ്പോള്‍ ആരാധകര്‍. വാര്‍ത്തയറിഞ്ഞതോടെ നയന്‍താരയ്ക്ക് അഭിനന്ദനപ്രവാഹമായിരുന്നു സോഷ്യല്‍മീഡിയയില്‍.
Discussion about this post