അല്ലേലും നവാഗതരെ പ്രോത്സാഹിപ്പിക്കുന്ന ആള് തന്നെയാ നമ്മുടെ വിനീതേട്ടന്‍! ‘അനുഗ്രഹീതന്‍ അന്റണിയ്ക്ക്’ ആശംസയുമായി വിനിത് ശ്രീനിവാസന്‍

നവാഗതനായ പ്രിന്‍സ് ജോയി ഒരുക്കുന്ന അനുഗ്രഹീതന്‍ അന്റണിയ്ക്ക് ആശംസയുമായി വിനീത് ശ്രീനിവാസന്‍.’Best wishes Prince Joy, Sunny Wayne, Arun Muraleedharan, Manu Manjith and the entire team behind this film’ എന്ന് വിനീത് ശ്രീനിവാസന്‍ തന്റെ ഔദ്യോഗിക ഫേസ്ബുക്ക് പേജില്‍ കുറിച്ചു.

സണ്ണിവെയിനാണ് സിനിമയില്‍ നായകനായെത്തുന്നത്.തുഷാര്‍ എസ് ആണ് ചിത്രത്തിന്റെ നിര്‍മ്മാണം. 96 ലൂടെ പ്രേക്ഷക ഹൃദയം കീഴടക്കിയ ഗൗരി കിഷനാണ് സണ്ണിവെയിന്റെ നായികയായി എത്തുന്നത്.

ആന്റണി എന്ന ടെറ്റില്‍ കഥാപാത്രമായിട്ടാണ് സണ്ണി ഈ ചിത്രത്തില്‍ എത്തുന്നത്. ആന്റണിയും അയാളുടെ നായയും തമ്മിലുള്ള ആത്മബന്ധമാണ് സിനിമയിലെ ഒരു പ്രധാന പ്രമേയം. ഇതിനായി മൂന്നു മാസത്തോളം നായയ്ക്ക് ട്രെയിനിങ്ങ് കൊടുത്തു.

‘യഥാര്‍ഥ ജീവിതത്തോട് വളരെയധികം ബന്ധമുള്ള കഥയാണ് അനുഗ്രഹീതന്‍ ആന്റണിയുടേത്, എല്ലാവരുടെ ജീവിതത്തിലും ഒരു ആന്റണിയുണ്ട്. ഈ കഥ എല്ലാവരേയും സ്പര്‍ശിക്കുമെന്ന് എനിക്കുറപ്പാണ്…’സണ്ണിവെയിന്‍ പറയുന്നു.സണ്ണിവെയിന്‍ തന്നെയാണ് ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ പുറത്തുവിട്ടിരിക്കുന്നത്.