മലയാളത്തിന്റെ ആക്ഷന് കിങ് സുരേഷ് ഗോപിയുടെ 250-ാമത്തെ ചിത്രത്തിന്റെ മോഷന് പോസ്റ്റര് കഴിഞ്ഞ ദിവസമാണ് പുറത്തുവിട്ടത്. ‘കടുവാക്കുന്നേല് കുറുവാച്ചന്’ എന്ന കഥാപാത്രത്തെയാണ് താരം ചിത്രത്തില് അവതരിപ്പിക്കുന്നത്. നടന്മാരായ മമ്മൂട്ടി, മോഹന്ലാല്, ദിലീപ്, ദുല്ഖര് സല്മാന്, നിവിന് പോളി, ആസിഫ് അലി എന്നിവരുടെ ഫേസ്ബുക്ക് പേജിലൂടെയാണ് മോഷന് പോസ്റ്റര് പുറത്തുവിട്ടത്.
യൂട്യൂബ് ട്രെന്ഡിങില് രണ്ടാം സ്ഥാനത്താണ് ഇപ്പോള് മോഷന് പോസ്റ്റര്. ‘കുരിശുപള്ളി കവലയിലേക്ക് വന്നാല് എസ് ഐയെ പെറുക്കിയെടുത്തു പോകാമെന്ന് കടുവാക്കുന്നേല് കുറുവച്ചന് കമ്മിറ്റിയെ അറിയിച്ചിട്ടുണ്ട്’ എന്ന് ഡയലോഗോട് കൂടിയാണ് മോഷന് പോസ്റ്റര് പുറത്തുവിട്ടിരിക്കുന്നത്.
നവാഗതനായ മാത്യൂസ് തോമസ് പ്ലാമൂട്ടിലാണ് ചിത്രത്തിന്റെ സംവിധായകന്. അര്ജ്ജുന് റെഡ്ഡിക്ക് സംഗീതമൊരുക്കിയ തെലുങ്ക് സംഗീത സംവിധായകന് ഹര്ഷവര്ധന് രാമേശ്വറാണ് ചിത്രത്തിന് സംഗീതം ഒരുക്കുന്നത്. ഷിബിന് ഫ്രാന്സിസാണ് തിരക്കഥ ഒരുക്കിയിരിക്കുന്നത്. ടോമിച്ചന് മുളകുപാടമാണ് ചിത്രം നിര്മ്മിക്കുന്നത്.
Discussion about this post